कुलुसी 1:4 - गढवली नयो नियम

⁴ किलैकि हम ल सूंणि, कि यीशु मसीह पर तुमारो विश्वास च, अर उ सब पवित्र लुखुं बट्टी प्रेम रखदु।

Garhwali

⁴ किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

कुलुसी 1:4 Referans Kwoze

इफिसुस 1:15

ऊं सभियूं का कारण जु पिता परमेश्वर ल करयुं च, मि भि वे विश्वास जु तुम लुखुं मा प्रभु यीशु पर च अर पवित्र लुखुं का प्रति हमारा प्रेम का बारा मा सूंणि कै,

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

1 यूहन्ना 4:16

अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।

फिलेमोन 1:5

मि प्रभु यीशु मा तेरु विश्वास अर पिता परमेश्वर का सभि लुखुं का प्रति तेरु प्रेम का बारा मा सुंणोदु।

1 यूहन्ना 3:14

हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

1 यूहन्ना 3:23

अर वेकी आज्ञा या च कि हम वेका नौंना यीशु मसीह का नौं पर विश्वास कैरा अर जन वेल हम तैं आज्ञा दींनि वेका अनुसार आपस मा प्रेम रखा।

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

2 कुरिन्थि 7:7

अर न भस वेका आंण से पर वेकी वीं शान्ति बट्टी भि, जु तीतुस तैं तुम्हरी तरपां बट्टी मिली छै; अर वेल तुम्हरी इच्छा, अर तुम्हरा दुःख अर मि कु तुम्हरी धुन कु खबर हम तैं सुणै, ज्यां बट्टी हम तैं अर भि खुश हवे।

गलातियों 3:26

जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,