कुलुसी 1:27 - गढवली नयो नियम

²⁷ किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

Garhwali

²⁷ अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 1:27 Referans Kwoze

यूहन्ना 14:20

जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

रोमियों 8:10

जु मसीह तुम मा च, त पाप का कारण देह का मुरयां हूंण पर भि धार्मिकता का कारण तुम्हरी आत्मा ज्यूंदी च।

1 यूहन्ना 4:4

हे प्रिय नौंनो, तुम पिता परमेश्वर का लोग छा अर तुम ल ऊं झूठा लुखुं पर जीत पयले; किलैकि जु पवित्र आत्मा तुम मा च, उ शैतान बट्टी भि बड़ो च, जु ईं दुनिया का लुखुं पर राज्य करदो।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

1 कुरिन्थि 3:16

सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

दिब्य दरस 3:20

सूंणा, मि तुम्हरा दिल मा प्रवेश कनु कु वे मनिख का जन छो, जु तुम्हरा द्वार पर खटखटांण वला आदिम का जन खड़ाे छो, अर वे तैं खुलणु कु बुल्दो छो। जु कुई मेरी आवाज सुणद अर द्वार खुलद त मि भितर जौलु अर हम एक दुसरा का दगड़ी खांणु खौला।

यूहन्ना 14:17

या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

गलातियों 4:19

हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 तीमुथियुस 1:1

मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।

कुलुसी 2:3

उ ऊई च जु पिता परमेश्वर की बुद्धि अर ज्ञान की पहचाण कराद जु कि वे खजाना जन च जु छिपायूं च।

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

यूहन्ना 17:26

मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”

इफिसुस 2:22

हे अन्यजाति विश्वासियों, किलैकि तुम मसीह का दगड़ी एकजुट हो, इलै तुम तैं भि परमेश्वर का अन्य लुखुं का दगड़ी जुड़ै जांणु च, कि तुम एक इन घौर बंणि जावा जख परमेश्वर पवित्र आत्मा कि सामर्थ बट्टी रौंदो।

यूहन्ना 6:56

जु मेरी देह खांदु अर मेरू ल्वे पींदु उ मि मा मजबूत बणयूँ रौंदु च अर मि वेमा बणयूँ रौंदु।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

फिलिप्पी 4:19

अर मेरू पिता परमेश्वर भि अपड़ा वे धन का अनुसार जु महिमा का दगड़ी मसीह यीशु मा च तुमारी हर एक जरूरत तैं पूरी करलो।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

लूका 17:21

अर लोग इन नि बुलला “देखा इख च या उख च। किलैकि देखा परमेश्वर कु राज्य तुमारा बीच मा च।”

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

2 कुरिन्थि 2:14

पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।

रोमियों 11:33

पिता परमेश्वर की दया कु धन, बुद्धि अर ज्ञान सच मा भौत महान च! कुई भि ऊंकी निर्णय की व्याख्या नि कैर सकद अर न ही कुई वेका रस्तों तैं समझी सकदो।

रोमियों 2:4

क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?

इब्रानी 6:19

जन एक बड़ी कील बट्टी बंधयूं ज्यूड़ो नाव तैं स्थिर अर मजबूत रखद, उन ही के य आस हमारा आत्मा तैं स्थिर अर मजबूत बणै कै रखद; ज्यांमा हमारी आस च कि उ यीशु ही च; जु स्वर्ग मा पवित्र तम्बू का पिछनै महापवित्र जगह मा पिता परमेश्वर का संमणी ग्यूं च।