खास चेलों 9:16 - गढवली नयो नियम

¹⁶ अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

Garhwali

¹⁶ अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

खास चेलों 9:16 Referans Kwoze

1 थिस्सलुनीकी 3:3

कि कुई भि यूं क्लेशों का कारण अपड़ा विश्वास मा डगमगै नि जौं; किलैकि तुम अफी जंणदा, कि हम तैं कष्ट उठांण पुड़लो।

खास चेलों 21:11

वेल हम मा ऐ के पौलुस को पठुको लींनि, अर अपड़ा हथ खुट्टा बंधि के बोलि, “पवित्र आत्मा इन बुल्णु च, कि जै आदिम को यु पठुका च, वे तैं यरूशलेम शहर मा यहूदी इन ही कै बंधला, अर अन्यजाति लुखुं का सुपुर्द कैरी द्याला।”

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

यूहन्ना 15:20

याद रखा की मिल तुम मा क्य बोलि दास अपड़ा स्वामि बट्टी बड़ो नि हूंद, वे तैं याद रखा ऊंल मि तैं सतै त तुम तैं भि सताला जु मेरी शिक्षा तैं मणिल्या त तुम्हरी भि मंणला।

1 पतरस 4:14

फिर जु मसीह का नौं कु तुम्हरी निंदा किये जांद, त तुम धन्य छा; पिता परमेश्वर को महिमामय आत्मा तुम्हरा भितर रौंद।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

मत्ती 5:11

“धन्य छा तुम जब मनिख तुम तैं मेरा चेला हूंण का वजह से तुम्हरी बुरै कैरा अर तुम तैं सतौनु अर झूठ बोलि-बोलि के तुमारा विरोध मा बनि-बनि किस्मै की बात बुलुनु।”

मत्ती 24:9

तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।

2 तीमुथियुस 3:11

अर लुखुं ल मि तैं सतै, ज्यांका कारण मिल भौत दुःख उठै, तुम तैं पता च कि अन्ताकिया इकुनियुम अर लुस्त्रा नगरों मा मि पर कन-कन जुल्म हवीनि, फिर भि ऊं सभियूं मा प्रभु ल मि तैं निकाली।

खास चेलों 21:4

उख हम ल ढूंडी अर कुछ चेला हम तैं मिलिनि, अर हम उख सात दिन तक रैयां। तब ऊंल पवित्र आत्मा का आज्ञा पर पौलुस बट्टी यरूशलेम शहर नि जांणै की बिनती कैरी।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।

खास चेलों 9:14

अर इख भि प्रधान याजक की तरपां बट्टी अधिकार मिल्युं च, कि जु लोग त्वे पर विश्वास करदींनि, ऊं सभियूं तैं बंधि के यरूशलेम शहर मा ली जौं।”

खास चेलों 9:6

अब उठि के नगर मा जा, उख त्वे तैं बतौलु कि त्वे तैं क्य कन चयणु च।”

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 21:13

पर पौलुस ल बोलि, “तुम कन छा, कि रौवे-रौवे के मेरू दिल किलै दुखांणा छा? मि प्रभु यीशु का नौं कु न भस यरूशलेम शहर मा बंधे जांणु कु बल्कि मुरण कु भि तैयार छौं।”