खास चेलों 8:7 - गढवली नयो नियम

⁷ जब फिलिप्पुस ल आज्ञा द्ये त भौत लुखुं मा बट्टी दुष्टात्मा चिलै के निकली गै, अर भौत लकवा का रोगी अर लंगड़ा भि खूब किये गैनी।

Garhwali

⁷ किलैकि भौत सा लोगु पर खबेस लग्यां छा, वु खबेस चिल्‍लै-चिल्‍लै के ऊंमा बटि निकळि जान्दा छा। अर भौत सा लोग जौं तैं लकवा पोड़्यूं छौ, अर जु लंगड़ा छा यों सब लोगु तैं खूब किये जान्दु छौ।

खास चेलों 8:7 Referans Kwoze

मत्ती 10:1

फिर यीशु ल बारह चेलों तैं अफ मा बुलै के अर ऊं तैं दुष्टात्मा तैं निकलण को अधिकार दींनि की उ सब प्रकार की बिमारियों अर सब प्रकार की कमजोरियों तैं दूर कैरो।

खास चेलों 5:16

अर यरूशलेम शहर का अमणी-संमणी का शहरों बट्टी भि भौत लोग बिमारों तैं अर दुष्टात्माओं का सतायां छा ऊं तैं लै-लै के, प्रेरितों का संमणी कट्ठा हुंदा छा, अर उ सब खूब हुंदा जांदा छा।

इब्रानी 2:4

पिता परमेश्वर ल भि अद्भुत कामों, बड़ा-बड़ा चिन्हों, कई प्रकार का चमत्कारों का द्वारा अर पवित्र आत्मा का द्वारा लुखुं तैं वरदान दे कि यु तैं साबित कैरी, ठिक उन ही जन की पिता परमेश्वर चांदु च।

यूहन्ना 14:12

मि तुम मा सच-सच बुल्ण छौं जु मि पर विश्वास रखदु यूं कामों तैं जौं तैं मि करदु उ भि करलो बल्कि यां बट्टी भि बड़ा काम करुलु किलैकि मि बुबा मा जांणु छौं।

लूका 10:17

उ सत्तर चेला खुशी से ऐ के बुल्ण लगि गैनी “हे प्रभु दुष्टात्माओं ल भि हमारी बात मांणी जब हम ल तेरा नौं से आज्ञा दींनि।”

मरकुस 9:26

तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।

मत्ती 11:5

कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

खास चेलों 8:6

जु बात फिलिप्पुस ल बोलि ऊं तैं लुखुं ल सूंणि के अर जु चमत्कार का काम उ दिखौंदो छो ऊं तैं देखि, तब उन ल एक मन हवे के वेकी बातों मा ध्यान लगै।