खास चेलों 8:37 - गढवली नयो नियम

³⁷ (फिलिप्पुस ल बोलि, “जु तू अपड़ा पूरा मन से विश्वास करदी छै, तब त ले सकदी छै” यु सूंणि के वेल जवाब दींनि, “मि पूरो विश्वास करदु छो की यीशु मसीह ही पिता परमेश्वर को नौंनो च”)

Garhwali

³⁷ [अर फिलिप्पुस न वेतैं पूछी, “अगर तुम पूरा मनळ बिस्वास करद्‍यां, त तुम बपतिस्मा ले सकद्‍यां।” अर वेन जबाब दिनी, “हाँ, मि बिस्वास करदु छौं, कि यीशु मसीह ही परमेस्वर को पुत्र च।”]

खास चेलों 8:37 Referans Kwoze

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

खास चेलों 8:38

तब रथ तैं रोकि के खजांची अर फिलिप्पुस द्वी पांणी का तालाब मा गैनी; अर फिलिप्पुस ल खजांची तैं बपतिस्मा दींनि।

मत्ती 16:16

शमौन पतरस ल जवाब दींनि “तु ज्यूँदो परमेश्वर कु नौंनो मसीह छै।”

मत्ती 28:19

“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

मरकुस 16:16

जु कुई मि पर विश्वास कैरो वेको चिन्ह च की उ बपतिस्मा ल्यो अर परमेश्वर का द्वारा मि वे तैं पापों का मिलण वला दंड से उद्धार अर वेको जु विश्वास नि करुलु वे तैं परमेश्वर दंड दयालो।

यूहन्ना 6:68

शमौन पतरस ल यीशु तैं जवाब दे कि हे प्रभु हम कै मा जां? अनन्त जीवन त त्वे मा ही च

यूहन्ना 9:35

यीशु ल जब यु सूंणि, कि ऊंल वे आदिम तैं यहूदियों का मिलण का भवन बट्टी भैर निकाली दींनि, अर जब यीशु की वे बट्टी भेंट हवे त यीशु ल बोलि, क्य तु मि मनिख कु नौंनो पर विश्वास करदी छै?

यूहन्ना 11:27

वीं ल यीशु मा बोलि, “हे प्रभु हां मि विश्वास करदु छौं कि परमेश्वर कु नौंनो मसीह जु जगत मा आंण वला छो उ तु ही छै।”

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

खास चेलों 8:12

पर जब लुखुं ल पिता परमेश्वर का राज्य अर यीशु मसीह का नौं को फिलिप्पुस को शुभ सन्देश प्रचार सूंणि अर जौं जननों ल अर आदिमों ल विश्वास कैरी ऊं बपतिस्मा लै।

खास चेलों 8:21

इलै तू ईं सेवा को भागिदार नि हवे सकदी; किलैकि पिता परमेश्वर का संमणी तेरु मन सचो नि च।

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

रोमियों 10:10

किलैकि हम अपड़ा मन बट्टी विश्वास करदां, अर इलै हम पिता परमेश्वर का दगड़ी धर्मी बणदां। अर हमारा गिच्चो कु अंगीकार हमारा विश्वास तैं दिखांद जै बट्टी हम उद्धार पै के बचये जणदां।

1 कुरिन्थि 12:3

इलै मि तुम तैं चांदु छों कि तुम जणिल्या, कि जु कुई पिता परमेश्वर कि आत्मा कि अगुवाई बट्टी बुल्दो च, उ नि बुल्दो कि यीशु श्रापित च; पर पवित्र आत्मा ही च, अर पवित्र आत्मा का द्वारा ही उ बोलि सकद की “यीशु ही प्रभु च।”

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

1 यूहन्ना 4:15

जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

1 यूहन्ना 5:5

दुनिया पर जीत हासिल कन वलो को च? उ ही जु विश्वास करद, कि यीशु ही पिता परमेश्वर को नौंनो च।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।