खास चेलों 8:1 - गढवली नयो नियम

¹ शाऊल स्तिफनुस की हत्या कन मा पूरा ढंग से सहमत छो। ऊं दिनों का बाद यरूशलेम शहर का विश्वासियों की मण्डलि पर भौत जादा अत्याचार हूंण लगि गै छो अर प्रेरितों तैं छोड़ उ सभि यहूदिया प्रान्त अर सामरिया प्रान्त मा छिल-बिल हवे गैनी।

Garhwali

^1-2 अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

खास चेलों 8:1 Referans Kwoze

खास चेलों 22:20

अर जब तेरु गव्हा स्तिफनुस को ल्वे बुगैये जांणु छो, त मि भि उख ही मा खड़ो हुयुं छो, अर मि ईं बात मा राजि छो अर वे तैं मरण वलो का कपड़ोंं कि देखभाल कनु छो”

खास चेलों 7:58

अर स्तिफनुस तैं पकड़ी अर घसीट के यरूशलेम शहर बट्टी भैर लै के वे पर ढुंग्यो कैरी। अर स्तिफनुस पर भंगार लगै अर अपड़ा कपड़ा शाऊल नौं का एक जवान का खुट्टों का संमणी रखदींनि।

खास चेलों 5:40

तब ऊंल वेकी बात मांणी अर प्रेरितों तैं बुलै के पिटवै अर ऊं यु आज्ञा दे कि उ अब बट्टी यीशु का नौं मा कुछ नि बोलि अर फिर ऊं तैं मुक्त कैरी द्ये।

खास चेलों 5:33

जब महासभा का सदस्यों ल यु सूंणि त उ भौत गुस्सा हवे गैनी, अर प्रेरितों तैं मरण चांदा छा।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

खास चेलों 8:14

जब यरूशलेम शहर मा प्रेरितों तैं मालूम हवे कि सामरिया प्रान्त का लुखुं ल पिता परमेश्वर का वचन तैं मांणी येले तब ऊंल पतरस अर यूहन्ना तैं ऊंमा भेजि।

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

खास चेलों 8:4

पर विश्वासी लोग जु छिल-बिल हवे गै छा, उ घूमी-घूमी के शुभ सन्देश प्रचार करदी रैनी।

यूहन्ना 15:20

याद रखा की मिल तुम मा क्य बोलि दास अपड़ा स्वामि बट्टी बड़ो नि हूंद, वे तैं याद रखा ऊंल मि तैं सतै त तुम तैं भि सताला जु मेरी शिक्षा तैं मणिल्या त तुम्हरी भि मंणला।

इब्रानी 11:27

विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।

फिलिप्पी 1:12

हे विश्वासी भयों, मि इन चांदु, कि तुम यु जणिल्या कि जु मि पर बीति, भौत लुखुं कु शुभ सन्देश पर विश्वास कनु कु कारण बंणि।

खास चेलों 13:1

अन्ताकिया शहर का विश्वासियों की मण्डलि मा कई परमेश्वर का तरपां बट्टी बुल्ण वला अर कई शिक्षक छा। उ शिक्षक बरनबास अर शमौन, जैको दुसरो नौं नीगर भि छो, अर लूकियुस कुरेनी, अर देश का चौथाई भाग का हेरोदेस राजा को मुहबोला भैय जु दगड़ी बड़ा हवीनि मनाहेम, अर शाऊल।

खास चेलों 7:38

यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।

खास चेलों 5:20

“जावा यरूशलेम शहर का मन्दिर मा खड़ा लुखुं तैं यु नया अनन्त जीवन का बारा मा बतावा।”

खास चेलों 5:18

अर महायाजक अर सदूकियों ल प्रेरितों तैं गिरफ्तार कैरी कै जेलखना मा बंद कैरी दींनि।

खास चेलों 2:47

अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

यूहन्ना 16:2

उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।

मत्ती 23:34

इलै देखा मि तुम मा परमेश्वर का तरपां बट्टी बुल्ण वलो तैं अर बुद्धिमानों तैं अर मूसा की व्यवस्था तैं सिखांण वलो तैं भिजणु छौं अर तुम ऊंमा बट्टी कुछ तैं मारि डलिल्या अर सूली पर चड़ैल्या अर कुछ तैं अपड़ा परमेश्वर बट्टी यहूदियों का मिलणा का भवन मा कोड़ा मरिल्या अर एक शहर बट्टी हैंका शहर मा भगौंदी रैल्या।

मत्ती 22:6

बकि लुखुं ल जु बचि गै छा ऊंल वेका सेवकों तैं पकड़ी अर ऊंको अनादर कैरी अर ऊं तैं मारि डाली।

मत्ती 5:13

“तुम ईं दुनिया का लुखुं कु लूंण का जन छा, पर जु लूंण कु स्वाद बिगड़ि जौं त उ फिर कनके ल्युणणो करे जालो? फिर उ कै काम को नि च भस यांका कि भैर फिंकै जौ अर मनिख्युं का खुट्टों तौला रौंदे जौं।”

खास चेलों 7:54

यूं बातों तैं सूंणि के यहूदी अगुवा भौत गुस्सा हवीनि अर स्तिफनुस पर ऊं की दाड़ी रमसाण लगि गैनी।

खास चेलों 8:2

तब कुछ विश्वासी लुखुं ल स्तिफनुस तैं ली जै कै खडै दींनि; अर वेको भौत दुःख कैरी।

खास चेलों 8:5

अर फिलिप्पुस सामरिया प्रान्त का एक शहर मा जै के यीशु मसीह का बारा मा प्रचार कन लगि गै।

खास चेलों 13:36

दाऊद राजा त पिता परमेश्वर की इच्छा का अनुसार अपड़ा बगत मा सेवा कैरी के मोरि गै, अर अपड़ा पुरणों का दगड़ी खडै गै, अर वेकी देह सैड़ी भि गै। यां बट्टी हम जणदां कि दाऊद राजा यु भजन मा अपड़ा बारा मा बात नि कनु च।

खास चेलों 26:10

अर मिल यरूशलेम शहर मा इन कैरी भि च; अर प्रधान याजक बट्टी अधिकार पै के भौत सैरा भक्त लुखुं तैं जेल भितर डाली अर जब उ मरै जांदा छा, त मि भि वे काम मा राजी छो।

रोमियों 1:32

उ त परमेश्वर की यूं विधि तैं जंणदा छिनी कि इन-इन काम कन वला मौत का दण्ड का हकदार छिनी, अर फिर भि इन काम करदींनि अर कन वलो बट्टी खुश भि हूंदींनि।