खास चेलों 7:8 - गढवली नयो नियम

⁸ तब पिता परमेश्वर ल अब्राहम दगड़ी करार बंधि, अर वेको बोलि, कि उ अपड़ा घौरा का सभि आदिमों तैं खतना कन होलो जु सौं को चिन्ह होलो यु दिखांणु कु की उ करार बट्टी रजामंद छिनी। इलै ही जब इसहाक पैदा हवे, त अब्राहम ल आठवां दिन वेको खतना कैरी। अर इसहाक ल अपड़ा नौंना याकूब को खतना कैरी, अर याकूब ल अपड़ा बारह नौंनो को खतना कैरी जु हमारा यहूदी जाति का पूर्वज छिनी।

Garhwali

⁸ अर परमेस्वर न अब्राहम का दगड़ा मा समझौता कैरी अर खतना करण वेकू एक चिन्‍न छौ। इलै जब इसहाक को जनम ह्‍वे, त अब्राहम न आठवां दिन मा इसहाक को खतना करवै। अर फिर इसहाक को नौनु याकूब ह्‍वे अर याकूब का बारह बच्‍चा ह्‍वेनि, अर ऊंन भि इन्‍नि करवै। अर यों बच्‍चों का द्‍वारा ही बारह गोत्र ह्‍वेनि, अर ऊ सब हमरा पितर छा अर ऊं मदि यूसुफ एक छौ।

खास चेलों 7:8 Referans Kwoze

खास चेलों 2:29

हे विश्वासी भयों, मि तुम मा कुलपिता राजा दाऊद का बारा मा तुम बट्टी साहस का दगड़ी बोल सकदु छों कि उ त मोरि गै अर दफनाये भि गै अर वेकी कब्र आज तक भि हमारा इख मौजूद च।

इब्रानी 7:4

अब यु पर ध्यान कैरा कि मलिकिसिदक याजक कन महान छो जै तैं पुरखा अब्राहम ल अपड़ा दुश्मनों बट्टी युद्ध बट्टी जु कुछ लये छो वेको दसवां अंश द्ये।

गलातियों 3:17

पर मि यु बुल्णु छौं, कि जु करार पिता परमेश्वर ल पैली बट्टी पक्की कैरी छै, वे तैं मूसा की व्यवस्था चार सौ तीस बरसों का बाद ऐ के नि टाली सकदी, कि प्रतिज्ञा बेकार ठैरु।

गलातियों 3:15

हे मेरा विश्वासी भयों, मि तुम लुखुं तैं साधारण जीवन कु उदाहरण दे के बुल्णु छों। जब द्वी लोग आपस मा समझौता करदींनि, त न कुई वे तैं टालि सकद अर न वेमा कुछ कुई जोड़ी सकद।

रोमियों 4:10

त यु कब हवे? उ अब्राहम को खतना किये जांण से पैली हवे, न कि वेको खतना हूंणा का बाद; खतना की दशा मा न पर खतना हूंण से पैली हवे छो।

यूहन्ना 7:22

इलै मूसा ल तुम तैं खतना कि आज्ञा दीं च इन नि च कि व मूसा कि तरपां बट्टी च पर बापदादों बट्टी चलदी औंणि च अर तुम यहूदियों का विश्राम का दिन जु परमेश्वर कु पवित्र दिन च मनिख्युं कु खतना करदां छा।

मत्ती 1:2

अब्राहम बट्टी इसहाक पैदा हवे, इसहाक बट्टी याकूब पैदा हवे अर याकूब बट्टी यहूदा, अर वेका भैय पैदा हवेनि।