खास चेलों 5:30 - गढवली नयो नियम

³⁰ हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।

Garhwali

³⁰ अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी।

खास चेलों 5:30 Referans Kwoze

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

खास चेलों 10:39

अर हम प्रेरित लुखुं तैं ऊं सभि कामों का बारा मा बतौंदयां, जु हम ल यीशु तैं यहूदिया अर यरूशलेम शहर मा करदी देखि छा, अर यहूदी अगुवों ल यीशु तैं सूली पर चढै कै मारि दींनि।

खास चेलों 22:14

“तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।

खास चेलों 13:33

पिता परमेश्वर ल यीशु तैं मुरयां बट्टी ज्यूँदो कैरी, उ ही वादा वेल ऊंका वंशजों कु पूरा कैरी। जन कि भजन संहिता की किताब वेका दुसरा संख्या मा नौंनो का बारा मा पिता परमेश्वर ल बोलि, “कि तू मेरू नौंनो छै अर आज बट्टी मि तेरु बुबा बंणि ग्यूं”

खास चेलों 3:26

परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

लूका 1:72

कि हमारा पूर्वजों पर दया कैरी कै अपड़ी पवित्र करार तैं याद कैर।

लूका 1:55

वें अब्राहम तैं अर वेका सारा वंशजों तैं हमेशा कु दया दिखांणु कु याद कैरी जन कि वेल हमारा पुरखों मा बोलि छो।