खास चेलों 4:29 - गढवली नयो नियम

²⁹ अब हे प्रभु धर्म का अधिकारियों की धौंस तैं सुनण अर अपड़ा सेवकों तैं यु वरदान दे की तेरु उ वचन बड़ा साहस से सुंणौनु।

Garhwali

²⁹ अर प्रभु हम तुम बटि बिन्ती करद्‍यां कि, तुम ही ऊंकी यों धमकियों तैं सुणा, अर अपणा सेवकों की मदद कैरा, ताकि यू हिम्मतळ तुमरो वचन तैं सुणै सैका।

खास चेलों 4:29 Referans Kwoze

खास चेलों 4:13

जब ऊंल पतरस अर यूहन्ना को साहस देखि अर यु जांणि की यु साधारण मनिख छिन अर परमेश्वर के वचन का कुछ खास शिक्षा नि पै छै उ हकदक हवे गैनी। अगुवों ल ऊं तैं पैछांणि यु सम्भव इलै हवे साकी किलैकि उ यीशु का दगड़ी रौंदा छा।

खास चेलों 14:3

पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।

फिलिप्पी 1:14

मि अभि भि कैद मा बंधि छौं, अर प्रभु मा जु विश्वासी भैय छिनी, किलैकि कि मि पिता परमेश्वर का वचन और अधिक हिम्मत ल अर बगैर कै डौर ल बोलि साको।

खास चेलों 4:31

जब ऊंल पिता परमेश्वर बट्टी प्रार्थना कैरेले छै त व जगह जख उ बैठयां छा हिली गै अर उ सभि पवित्र आत्मा से भुरे गैनी अर परमेश्वर का वचन तैं साहस से सुणौंणा रैनी।

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

खास चेलों 28:31

अर उ बगैर कैं रुकावट का निडर हवे के पिता परमेश्वर को राज्य को प्रचार करदो छो अर प्रभु यीशु मसीह का बारा मा शिक्षा दींदु छो।

खास चेलों 19:8

अर तब पौलुस यहूदियों का मिलणा का भवन मा जै के तीन महीना तक निडर हवे के बुल्दी रै अर परमेश्वर का राज्य का बारा मा बातचित कनु रै अर यकीन दिलौंण की कोशिश कनु रै।

खास चेलों 13:46

तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”

खास चेलों 9:27

पर एक चेला जु बरनबास कहलांदो छो अफ दगड़ी वे तैं प्रेरितों मा ली गै, अर ऊं तैं बतै, कि कन कै दमिश्क शहर का रस्ता मा प्रभु यीशु ल दर्शन दे के बात कैरी; अर दमिश्क शहर मा इलै हिम्मत कैरी के यीशु को नौं को प्रचार कैरी।

1 थिस्सलुनीकी 2:2

तुम जंणदा ही छा, कि पैली हम ल फिलिप्पी शहर मा दुःख अर अपमान सौण पर फिर भि हमारा पिता परमेश्वर ल हम तैं इन साहस दींनि, कि तुम्हरा शहर का लुखुं का कारण हमारो भारी विरोध हूंण पर फिर भि हम ल पिता परमेश्वर का शुभ सन्देश तैं और भि जादा तुम तैं सुंणै।

खास चेलों 4:21

तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।

खास चेलों 26:26

राजा भि यूं बातों तैं जंणदो छो, इलै मि वेका संमणी निडर हवे के बुल्णु छौं। अर मि तैं विश्वास च, कि यूं बातों बट्टी ल कुई बात राजा बट्टी छिपी नि च, किलैकि या बात चुपचाप बट्टी नि हवे।

खास चेलों 9:28

प्रेरितों ल बरनबास की बातों पर यकीन कैरी, अर इलै शाऊल ऊं दगड़ी रौंदो छो, अर निडर हवे के पूरा यरूशलेम शहर मा यीशु को प्रचार करदो छो।

2 कुरिन्थि 3:12

इलै इन आस रखि के हम हिम्मत का दगड़ी बोलि सकदा।

1 कुरिन्थि 14:13

इलै जु अन्य भाषा बुल्दींनि, त उ प्रार्थना कैरा, कि जु उ बुल्दो वेको मतलब समझण का लैके भि हो।