खास चेलों 4:27 - गढवली नयो नियम

²⁷ किलैकि सच मा तेरु पवित्र सेवक यीशु का विरोध मा जै को तिल अभिषेक कैरी राजा हेरोदेस अर पुन्तियुस पिलातुस राज्यपाल भि अन्यजातियों का अर इस्राएलियों का दगड़ा यरूशलेम शहर मा कट्ठा हवेनि

Garhwali

²⁷ “अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

खास चेलों 4:27 Referans Kwoze

मत्ती 27:2

ऊंल यीशु तैं बन्धवै दींनि अर न्याय कनु कु यहूदिया जिला का रोमी राज्यपाल मा लिजै कै पिलातुस मा सौंपी दींनि।

खास चेलों 4:30

खूब कनु कु अपड़ो हथ बड़ो की अद्भुत काम अर चमत्कार का काम तेरु पवित्र सेवक यीशु का नौं से करे जौनु।”

लूका 9:22

अर वेल बोलि, “मि मनिख कु नौंनो कु जरूरी च कि उ भौत दुःख उठौ अर लुखुं का दाना-सयाणों, प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद फिर ज्यूँदो हवे जालो।”

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 2:27

किलैकि तू मि तैं मुर्दों मा नि रौंण दीलि अर अपड़ा पवित्र जन तैं अधोलोक मा सड़ण भि नि दीलि।

यूहन्ना 19:34

पर एक सिपै ल वेकी पंणकोखि पर भाला कि चोट मारि अर उख बट्टी वे बगत ल्वे अर पांणी निकली।

यूहन्ना 18:28

अर यहूदी लोग यीशु तैं कैफा का संमणी बट्टी य रोमी राज्यपाल, पिलातुस का महल कु ली गैनी अर सुबेर कु बगत छो, पर उ अफी किला का भितर नि गै जु वेमा बट्टी कुई भि भितर जांदु, त उ अशुद्ध हवे जांदु अर वे तैं फसह को भोज नि खै सकदा छा।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

यूहन्ना 1:11

उ अपड़ा लुखुं का संमणी ऐ अर वेका अपड़ा लुखुं ल वे तैं ठुकरै दींनि।

लूका 22:63

जौं मनिख्युं कु यीशु पकड़यूं छो उ वेकी मजाक उड़ै कै पिटण लगि गैनी।

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

मरकुस 15:31

ई रीत से प्रधान याजक, मूसा की व्यवस्था तैं सिखांण वलो का समेत आपस मा मजाक उड़ाणा छा “येल औरों तैं बचै पर अफ तैं नि बचै सकदु।”

मरकुस 10:33

ध्यान से सूंणा हम यरूशलेम शहर का जनै जांणा छा अर मि मनिख कु नौंनो प्रधान याजक अर मूसा की व्यवस्था तैं सिखांण वलो का हथ पकड़वये जौलु अर उ मि तैं मौत का लैख ठैराला अर अन्यजातियों का हथ मा सौंपी द्याला।

मत्ती 23:37

“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।

मत्ती 21:28

तुम ईं मिसाल का बारा मा क्य सुचदियां? कै आदिम का द्वी नौंना छा वेल पैला मा जै के बोलि, “हे नौंना आज अंगूर का बगिचा मा काम कैर।”

मत्ती 14:1

ईं घटना का बाद जब राजा हेरोदेस चौथाई देश कु राजा छो वेला यीशु कि चर्चा सूंणि

मत्ती 14:3

किलैकि हेरोदेस ल अपड़ा भैय फिलिप्पुस की जनन हेरोदियास का बानौं से यूहन्ना तैं पकड़ी के बंधि अर जेल मा डालवै छो।

मत्ती 14:6

पर जब राजा हेरोदेस अपड़ा जन्मदिन ऐ त हेरोदियास की नौंनि भितर ऐ अर नाचि के हेरोदेस तैं अर वे दगड़ी बैठण वला मेहमनों तैं खुश कैरी।

लूका 23:1

यीशु तैं बन्धवै दींनि अर न्याय कनु कु यहूदिया जिला का रोमी गवर्नर पिलातुस मा ली गैनी।

यूहन्ना 18:29

तब पिलातुस ऊंका संमणी भैर ऐ अर वेल बोलि, “तुम यु मनिख पर क्य कु भंगार लगांणा छा?”