खास चेलों 4:12 - गढवली नयो नियम

¹² यीशु का अलावा कै और दुसरा का द्वारा उद्धार अर बचाव नि च किलैकि आसमान का तौला अर मनिख्युं मा और कुई हैंको नौं नि दिये गै जैका द्वारा हम मुक्ति पै सैका।

Garhwali

¹² “अर यीशु का अलावा कुई दुसरो बचै नि सकदु, किलैकि आसमान का मूड़ी अर लोगु का बीच मा कुई भि दुसरो नौ नि दिये गै, जैका द्‍वारा हमतै बचयै जौ।”

खास चेलों 4:12 Referans Kwoze

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

1 कुरिन्थि 3:11

जु यु घौर बणये जांणु च, यीशु मसीह ही वे घौर की नींव च; उ एकमात्र आधार च, यांको मतलब च, यीशु मसीह ही एकमात्र रस्ता च ज्यां बट्टी लोग पिता परमेश्वर तैं जांणि सकदींनि पर हर एक मनिख चौकस रौ, कि उ वीं बुनियाद पर वे घौर तैं कन के बनांणु च।

यूहन्ना 3:36

जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।

लूका 24:47

अर यरूशलेम शहर बट्टी लै कि “तुम सैरा जातियों मा पापों की माफी कु पश्याताप कनु कु सुसमाचार प्रचार, वेका नौं बट्टी किये जालो।”

मत्ती 1:21

व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”

इब्रानी 2:3

इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।

इब्रानी 12:25

चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

खास चेलों 2:5

वे बगत आसमान का मूड़ी रौंण वला हर अन्य-जाति को जु पिता परमेश्वर का भय मनणवला कई यहूदी छा जु कि दुनिया का हरेक देश बट्टी त्यौहार मनांण कु अयां छा अर यरूशलेम शहर मा रौंणा छा।

खास चेलों 13:26

“हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”