खास चेलों 3:15 - गढवली नयो नियम

¹⁵ अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

Garhwali

¹⁵ अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

खास चेलों 3:15 Referans Kwoze

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

दिब्य दरस 21:6

फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

इब्रानी 2:10

किलैकि पिता परमेश्वर ल ही सभि कुछ बणै अर सभि कुछ वेको ही च, कि भौत स लुखुं तैं अपड़ी महिमा मा जोड़ो, पिता परमेश्वर ल यु फैसला कैरी कि यु ही ठिक च कि प्रभु यीशु दुःख उठै कै सिद्ध बण जौं; किलैकि यीशु ही च जु विश्वासी लुखुं तैं उद्धार की तरपां ली जै सकद।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

यूहन्ना 5:26

किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

यूहन्ना 1:4

उ हमारा शारीरिक अर आत्मिक जीवन कु स्रोत च अर उ ही च जु सब लुखुं तैं प्रकाश दींद।

दिब्य दरस 22:17

पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

इब्रानी 5:9

पिता परमेश्वर ल वे तैं एक महायाजक का रूप मा स्वीकार कैरी जु कि हर ढंग से सिद्ध छो; उ, ऊं सभि लुखुं कु उद्धार का द्वारा अनन्त जीवन दींणु कु बुनियाद का रूप मा खड़ो छो जु वेका वचन कु पालन करदींनि।

यूहन्ना 17:2

किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

यूहन्ना 10:28

अर मि ऊं तैं अनन्त जीवन दींदो, उ कभि नष्ट नि होलि, अर कुई ऊं तैं मेरा हथ बट्टी नि लुछी सकदो।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

लूका 24:48

तुम सभियूं बातों का गवाह छयां।

खास चेलों 4:2

उ भौत गुस्सा हवे कि पतरस अर यूहन्ना यीशु का बारा मा लुखुं तैं सिखाैंदी छा कि जु लोग मुरयां छिनी पिता परमेश्वर ऊं तैं फिर से ज्यूँदो कैरी दयालो जन वेल यीशु तैं मुरयां बट्टी ज्यून्दो कैरी।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।