खास चेलों 28:23 - गढवली नयो नियम

²³ अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

Garhwali

²³ तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

खास चेलों 28:23 Referans Kwoze

खास चेलों 19:8

अर तब पौलुस यहूदियों का मिलणा का भवन मा जै के तीन महीना तक निडर हवे के बुल्दी रै अर परमेश्वर का राज्य का बारा मा बातचित कनु रै अर यकीन दिलौंण की कोशिश कनु रै।

खास चेलों 18:28

अपुल्लोस ल अपड़ी शक्ति अर कौशल का दगड़ी यहूदियों तैं साजा रूप बट्टी खंड़ित कैरी के, परमेश्वर का वचन बट्टी प्रमाण दे के कि यीशु ही मसीह च।

खास चेलों 26:6

पर अब मेरू न्याय हूंणु च, किलैकि मि वीं करार तैं पूरा हूंण पर आस रखदो, ज्वा पिता परमेश्वर ल हमारा बाप-दादाओं दगड़ी कैरी छै।

खास चेलों 8:35

तब फिलिप्पुस ल वे तैं परमेश्वर का वचन बट्टी समझै कि पिता परमेश्वर का तरपां बट्टी बुल्ण वलो यशायाह जैल पिता परमेश्वर को शुभ सन्देश प्रचार सुणै, अर भविष्यवाणी कैरी के यीशु का बारा मा बोलि। अर वे खजांची ल यु बात समझीनि अर यीशु पर विश्वास कैरी।

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

फिलेमोन 1:2

अर मि अपड़ी विश्वासी बैंण अफफिया अर हमारा विश्वासी भैय अरखिप्पुस, जु एक योद्धा का समान पिता परमेश्वर की सेवा करदो अर वीं मण्डलि की ज्वा तुमारा घौर मा जमा हूंदी ऊंकु भि लिखणु छो।

मरकुस 4:34

उ भीड़ तैं मिसाल मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो पर एकुंत मा अपड़ा चेलों तैं सब बातों कु मतलब बतौंदु छो।

लूका 16:28

किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।

खास चेलों 1:3

यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।

खास चेलों 23:11

वीं रात प्रभु यीशु ल पौलुस का संमणी खड़ो हवे के बोलि, “हे पौलुस, हिम्मत रख; किलैकि जन तिल यरूशलेम शहर मा मेरी गव्है दींनि, उन ही त्वे तैं रोम शहर मा भि गव्है दींण होली।”

खास चेलों 24:14

मि तेरु संमणी यु अंगीकार करदु, कि मि प्रभु का रस्ता कु शिष्य हवे के अपड़ा पूर्वजों का पिता परमेश्वर की आराधना करदु, जै तैं यु झूठा यहूदी अगुवों को दल बुल्दींनि, अर जु बात मूसा द्वारा लिखीं परमेश्वर की व्यवस्था मा छै अर परमेश्वर का तरपां बट्टी बुल्ण वलो कि किताबों मा लिखीं छिनी, ऊं सभियूं पर मि विश्वास करदु।

खास चेलों 28:31

अर उ बगैर कैं रुकावट का निडर हवे के पिता परमेश्वर को राज्य को प्रचार करदो छो अर प्रभु यीशु मसीह का बारा मा शिक्षा दींदु छो।

फिलेमोन 1:22

अर एक और बात या भि च कि मेरा ठैरुणु कु अपड़ा घौर मा एक कमरा तैयार कैर; किलैकि मि तैं उम्मीद च, कि पिता परमेश्वर तुम्हरी प्रार्थनाओं कु उत्तर दयालो अर मि तैं ऐ के तुम तैं दिखणु को मौका दयालो।