खास चेलों 26:4 - गढवली नयो नियम

⁴ मेरी चाल-चलण ज्वनी बट्टी अभि तक कन रै, अर मिल अपड़ा जीवन की शुरू बट्टी अपड़ी जातिवलों का दगड़ी अर यरूशलेम शहर मा कन छो जै तैं सभि यहूदी जणदींनि।

Garhwali

⁴ “महाराज, बचपन बटि लेके मेरी ज्वानी का दिनों तक, मेरु जीवन को पालन-पोसण यरूशलेम नगर मा मेरी अपणी जाति का लोगु का बीच मा ही ह्‍वे, इलै सब यहूदी लोग जणदिन कि मेरु व्यौहार ऊंका बीच मा कन छौ।

खास चेलों 26:4 Referans Kwoze

गलातियों 1:13

हे विश्वासी भयों, तुम जंणदा छा कि जब मि यहूदी नियम-कानूनों का अनुसार जीवन ज्यूँदो छो, त मेरा भौत सैरा दगड़िया जु मेरा ही उम्र का छा, उ भि यहूदी नियम-कानूनों कु पालन करदा छा, पर मिल ऊं सभियूं तैं पिछनै छोड़ दींनि, किलैकि मि अपड़ा पुरणों का रीति-रिवाजों को पूरा दिल बट्टी पालन करदु छो। वे बगत मि यीशु का पिछनै चलणवला मण्डलि का लुखुं तैं जु पिता परमेश्वर की आराधना करदा छा, ऊं तैं सतौंणु कु निकली छो, मिल ऊं सभियूं तैं नाश कने की कोशिश कैरी।

2 तीमुथियुस 3:10

पर हे तीमुथियुस, तु जणदी ही छै, कि मि क्य सिखांदु छो अर तिल मेरी सी चाल-चलण मा, अच्छी मनसा मा, विश्वास, सहनशीलता, प्रेम, सब्र रखण मा,

फिलिप्पी 3:5

किलैकि जब मि आठ दिन कु छो तब मेरू खतना हवे जन पिता परमेश्वर की आज्ञा दीं च, अर मि इस्राएली जाति कु छौं अर बिन्यामीन का गोत्र कु छौं; अर मेरा ब्वे-बुबा इब्रानी छा, इलै मि भि एक इब्रानी छों; अर जु मूसा द्वारा लिखीं परमेश्वर की व्यवस्था का बारा मा पालन कन वलो बोला त मि एक फरीसी छों।

खास चेलों 22:3

“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”

खास चेलों 24:14

मि तेरु संमणी यु अंगीकार करदु, कि मि प्रभु का रस्ता कु शिष्य हवे के अपड़ा पूर्वजों का पिता परमेश्वर की आराधना करदु, जै तैं यु झूठा यहूदी अगुवों को दल बुल्दींनि, अर जु बात मूसा द्वारा लिखीं परमेश्वर की व्यवस्था मा छै अर परमेश्वर का तरपां बट्टी बुल्ण वलो कि किताबों मा लिखीं छिनी, ऊं सभियूं पर मि विश्वास करदु।