खास चेलों 26:24 - गढवली नयो नियम

²⁴ जब पौलुस ईं रीति से जवाब दींणु छो तब फेस्तुस ल चिल्लै के बोलि, “पौलुस तु पागल छै, जादा विद्या ल त्वे तैं पागल कैरेले।”

Garhwali

²⁴ अर जब पौलुस अपणा बचाव मा यों बातों तैं बोन्‍नु छौ, कि तबरि तक गवर्नर फेस्तुस न चिल्‍लै के बोलि, “हे पौलुस, तेरु दिमाग खराब ह्‍वे गै, जादा पैढी-लिखी के तू बौल्या ह्‍वे गै।”

खास चेलों 26:24 Referans Kwoze

1 कुरिन्थि 1:23

पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

2 कुरिन्थि 5:13

कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।

1 कुरिन्थि 4:10

लोग हम तैं मूर्ख मणदींनि किलैकि हम मसीह का बारा मा उपदेश दींदयां, पर तुम गलत सुचदा कि तुम इथग बुद्धिमान मसीह छा, भौत लोग मणदींनि कि हम मा कुई अधिकार नि च। पर तुम गर्व से बुल्दा कि तुम मा पिता परमेश्वर की शक्ति च। लोग हमारो आदर नि करदींनि पर उ तुम्हरो सम्मान करदींनि।

मरकुस 3:21

जब वेका कुटुम्बियों ल यु सूंणि त वे तैं पकड़नु कु निकलनी किलैकि उ बुल्दा छा कि वेको चित ठिकाणा मा नि अर उ पागल च इलै उ वे तैं घौर लिजांण चांणा छा।

खास चेलों 26:11

हरेक यहूदियों का मिलणा का भवन मा, मि ऊं तैं दंड़ित कैरी के मजबूर करदो छो कि यीशु कि बुरै कैरा। इख तक कि गुस्सा मा मि इथग पागल हवे गै छो कि दुसरा शहरों मा जै के भि ऊं तैं सतौंदू छो।

खास चेलों 17:32

मुर्दों कि ज्यून्दा हूंणै कि बात सूंणि के कुछ लुखुं ल ठट्टा कैरी अर कुछ ल बोलि, “यूं बातों तैं हम त्वे बट्टी फिर कभि सुणला।”

खास चेलों 24:25

पर जब पौलुस धार्मिकता अर सयंम अर औंण वला जांच के न्याय की विचार कनु छो, तब फेलिक्स ल डैरी के जवाब दींनि, “इलै अभि त तु जै सकदी छै पर मौका मिललो त मि त्वे तैं फिर बुलौलु।”

खास चेलों 22:1

“हे विश्वासी भयों, अर पुरणा लुखुं अपड़ा बचाव मा मि जु कुछ भि तुम बुल्णु छौं वे तैं तुम ध्यान से सूंणा।”

यूहन्ना 8:52

यहूदियों का अगुवों ल वेमा बोलि, अब हम ल जांणयाली कि त्वे मा दुष्टात्मा च अब्राहम मोरि गै अर परमेश्वर का तरपां बट्टी बुल्ण वला भि मोरि गैनी अर तु बुल्णी छै जु कुई मेरा वचन कु पालन करलो त उ अनन्तकाल तक नि मरिल्या।

यूहन्ना 8:48

यु सूंणि के यहूदियों ल वेमा बोलि, हम यु कन मा ठिक छा कि तु एक सामरी जाति कु छै अर त्वे मा एक दुष्टात्मा च?

यूहन्ना 7:15

तब यहूदियों ल चकित हवे के बोलि, यु तैं बगैर पैढ़ी कै परमेश्वर का वचन कु ज्ञान कख बट्टी मिली?

खास चेलों 24:27

इन ही कै जब द्वी साल बीति गैनी त फेलिक्स का जगह पुरकियुस फेस्तुस राज्यपाल बंणि गै, अर फेलिक्स यहूदियों तैं खुश कनै की इच्छा ल पौलुस तैं बंधि ही छोड़ी गै।

2 तीमुथियुस 3:15

छुटा बट्टी ही तिल पिता परमेश्वर का वचन तैं जांणि, जु त्वे तैं मसीह यीशु पर विश्वास कन अर उद्धार कु ज्ञान दींण लैक च।