खास चेलों 26:2 - गढवली नयो नियम

² “हे राजा अग्रिप्पा जथग बातों को यहूदी अगुवा मि पर भंगार लगांणा छिनी, तेरु संमणी ऊं बातों को जवाब दींणु कु मि अफ तैं धन्य समझणु छौं।”

Garhwali

² महाराज, यहूदी लोगु न जथगा भि बातों को इळजाम मि लगै, आज मि तुमरा समणि ऊं सब बातों को जबाब देणु खुणि खुद तैं बड़ु खुशनसीब समझणु छौं।

खास चेलों 26:2 Referans Kwoze

लूका 12:11

जब लोग तुम तैं पकड़ी के यहूदियों का मिलणा का भवन मा ली जाला अर तुम तैं आधिकारियों मा सौंपला त तुम फिकर नि करयां कि हम ल क्य अपड़ा बचाओ मा बुल्ण, तुम ल की जवाब दींण या की बुल्ण।

खास चेलों 26:1

राजा अग्रिप्पा ल पौलुस मा बोलि, “त्वे तैं अपड़ा बचाव मा बुनै कि पूरी छूट च” तब पौलुस ल अपड़ो हथ उठै के बुल्ण शुरू कैरी,

खास चेलों 26:3

खास कैरी के इलै कि तु यहूदियों का रीति-रिवाजों तैं अर जौं बातों पर यहूदी लोग बहस करदींनि तु ऊं बातों तैं जंणदी छै, इलै मि बिनती करदु। कि सब्र रखि के मेरी बात सूंण।

खास चेलों 26:7

ईं करार तैं पूरी हूंणै आस लगयां हमारा बारह गोत्र अपड़ा सैरा मन से रात दिन पिता परमेश्वर कि आराधना करदी ऐनी। हे राजा यु यहूदी वे ही आशा का कारण मि पर भंगार लगौंदींनि।

मत्ती 10:19

जब उ तुम तैं पकड़वाला त तुम फिकर नि करयां कि हम ल कन कै बुल्ण किलैकि जु कुछ तुम ल बुल्ण होलो उ वे बगत तुम तैं बतये जालो।

लूका 21:12

पर यूं बातों से पैली उ तुम तैं मेरा नौं कि खातिर पकड़ला, अर सताला, अर अधिकारियों मा सौंपे जाला, अर जेल मा डलवाला अर यहूदियों का मिलणा का भवन मा राज्यपालों का अर राजाओं का संमणी तुम्हरी अजमैश करे जाली।

खास चेलों 25:26

पर मि तैं वेका बारा मा कुछ भंगार नि मिली जु मि कैसर तैं लिख साको, इलै मि यु तैं तुम्हरा संमणी अर खास कैरी के हे राजा अग्रिप्पा तेरु संमणी लै के अयुं छों, कि जांच का बाद मि तैं कुछ लिखणु कु मिलो।

खास चेलों 26:19

इलै हे राजा अग्रिप्पा, मिल वे स्वर्गीय दर्शन को बुल्युं नि टाली।

खास चेलों 26:26

राजा भि यूं बातों तैं जंणदो छो, इलै मि वेका संमणी निडर हवे के बुल्णु छौं। अर मि तैं विश्वास च, कि यूं बातों बट्टी ल कुई बात राजा बट्टी छिपी नि च, किलैकि या बात चुपचाप बट्टी नि हवे।