खास चेलों 23:16 - गढवली नयो नियम

¹⁶ पर जब पौलुस का भंणजा ल सूंणि कि यहूदी लोग पौलुस तैं मरणै की योजना बनांणा च, त किला मा जै के पौलुस तैं संदेश दींनि।

Garhwali

¹⁶ अर या बात पौलुस का भंणजळ सुणी दिनी, कि ऊ वेतैं मरण खुणि दुबकी जाला, तब वेन किला मा जैके पौलुस तैं ईं बात की खबर दिनी।

खास चेलों 23:16 Referans Kwoze

खास चेलों 23:10

जब उख भौत घपरौल हवे अर रोमी पलटण का सेनापति तैं डौर लगि गै कि उ पौलुस का टुकड़ा-टुकड़ा नि कैरी द्यां, सिपै का झुंडों तैं आज्ञा दींनि कि उतरी के सभा का लुखुं का बीच बट्टी पौलुस तैं जबरदस्ती निकली, अर किलै मा ली आवा।

1 कुरिन्थि 3:19

किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”

खास चेलों 23:32

हैंका दिन सिपै घुड़सवरों तैं पौलुस का दगड़ी कैसरिया नगर जांणु कु छोड़ी के अपड़ा किला यरूशलेम शहर कु लौटि गैनी।

खास चेलों 21:34

पर भीड़ मा बट्टी लोग अलग-अलग बात कन लगि गैनी अर जब हला कि वजह ल उ असली बात नि जांणि सकिनि, त वेल पौलुस तैं किला का भितर लिजांणै कि आज्ञा दींनि।

खास चेलों 21:37

जब उ पौलुस तैं किला का भितर लिजांण वला छा, त वेल पलटण का सेनापति कु बोलि, “क्य मि त्वे बट्टी कुछ बोलि सकदु” पलटण का सेनापति ल बोलि, “क्य तु यूनानी भाषा जंणदी छै ?”

खास चेलों 23:17

पौलुस ल सुबदारों मा बट्टी एक तैं अफ म बुलै के बोलि, “यु जवान तैं पलटण का सेनापति मा लिजा यु वे बट्टी कुछ बुल्ण चांणु च।”

खास चेलों 24:23

अर वेल सुबदार तैं आज्ञा दींनि कि, पौलुस तैं कुछ छूट मा रखि के रखवली करयां, पर वेका दगड़ियों मा बट्टी कै तैं भि वेकी सेवा कन से नि रुकयां।