खास चेलों 22:5 - गढवली नयो नियम

⁵ स्वयं महायाजक अर दाना-सयाणों कि सभा भि ईं बात की गव्है दे सकदी च। ऊंमा बट्टी मिल दमिश्क शहर का विश्वासी भयों कु चिठ्ठी ले, जु ऊख छिनी सजा दिलांणु कु बंधि बणै कै यरूशलेम शहर मा ली जै साको।

Garhwali

⁵ अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 22:5 Referans Kwoze

लूका 22:66

जब दिन कु बगत हवे त दाना-सयाणों अर प्रधान याजकों अर मूसा की व्यवस्था तैं सिखांण वला लोग कठा हवेनि अर यीशु तैं अपड़ी महासभा मा लै कै पूछि।

खास चेलों 5:21

प्रेरित बड़ी सुबेर मा उठि के यरूशलेम शहर का मन्दिर मा गै जन ऊं तैं स्वर्गदूत ल बतै छो अर शिक्षा दींण शुरू कैरी। फिर जब महायाजक अर वेका दगड़िया उख पौछिनी त ऊंल यहूदी झुण्ड अर इस्राएल का दाना सयाणों की पूरी महासभा बुलै अर जेलखना कु रैबार भेजि कि ऊं प्रेरितों तैं इख लौनु।

1 तीमुथियुस 4:14

वे वरदान ल जु त्वे मा च, अर भविष्यवाणी का द्वारा पुरणा अगुवों का हथ रखण बगत त्वे तैं मिली छो लापरवाह नि रौ।

खास चेलों 28:21

ऊंल वेको बोलि, “न हम तैं तेरु बारा मा यहूदिया प्रान्त का लुखुं बट्टी चिट्टी मिलिनि, अर न विश्वासी भयों ल ऐ के तेरु बारा मा कुछ बतै, अर न कुछ बुरो बोलि।

खास चेलों 26:12

ईं धुन मा मि एक प्रधान याजकों बट्टी अधिकार अर आज्ञा पै के दमिश्क शहर जनै जांणु छो।

खास चेलों 26:10

अर मिल यरूशलेम शहर मा इन कैरी भि च; अर प्रधान याजक बट्टी अधिकार पै के भौत सैरा भक्त लुखुं तैं जेल भितर डाली अर जब उ मरै जांदा छा, त मि भि वे काम मा राजी छो।

खास चेलों 22:1

“हे विश्वासी भयों, अर पुरणा लुखुं अपड़ा बचाव मा मि जु कुछ भि तुम बुल्णु छौं वे तैं तुम ध्यान से सूंणा।”

खास चेलों 13:26

“हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”

खास चेलों 9:14

अर इख भि प्रधान याजक की तरपां बट्टी अधिकार मिल्युं च, कि जु लोग त्वे पर विश्वास करदींनि, ऊं सभियूं तैं बंधि के यरूशलेम शहर मा ली जौं।”

खास चेलों 4:5

हैंका दिन ऊंका अगुवा, दाना-सयाणों अर यहूदी व्यवस्था तैं सिखांण वला यरूशलेम शहर मा एक जगत कठ्ठा हवेनि

खास चेलों 1:15

ऊं दिनों मा पतरस सभि विश्वासी भयों का बीच मा जु लगभग एक सौ बीस मनिख छा खड़ो हवे के बुल्ण लगि गै

खास चेलों 2:29

हे विश्वासी भयों, मि तुम मा कुलपिता राजा दाऊद का बारा मा तुम बट्टी साहस का दगड़ी बोल सकदु छों कि उ त मोरि गै अर दफनाये भि गै अर वेकी कब्र आज तक भि हमारा इख मौजूद च।

खास चेलों 3:17

और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो।

खास चेलों 23:1

पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”

खास चेलों 23:6

जब पौलुस ल देखि, कि कुछ सदूकी अर कुछ फरीसी आदिम उख छा, महासभा मा पुकारी के बोलि, “हे विश्वासी भयों, मि फरीसी अर फरीसियों कु वंश को छों, मेरी जांच इलै हूंणी च, किलैकि मेरी आस च की पिता परमेश्वर मुरयां लुखुं तैं फिर ज्यून्दो करलो।”

खास चेलों 26:11

हरेक यहूदियों का मिलणा का भवन मा, मि ऊं तैं दंड़ित कैरी के मजबूर करदो छो कि यीशु कि बुरै कैरा। इख तक कि गुस्सा मा मि इथग पागल हवे गै छो कि दुसरा शहरों मा जै के भि ऊं तैं सतौंदू छो।

खास चेलों 28:17

तीन दिन का बाद पौलुस ल यहूदियों का बड़ा सम्मानित लोग कट्ठा करिनी अर जब उ कट्ठा हवीनि तब पौलुस ल ऊंकु बोलि “मेरा विश्वासी भयों मिल हमारा लुखुं या पुरखों की रीति-रिवाजों का खिलाफ कुछ नि कैरी फिर भि यरूशलेम शहर बट्टी कैदी बणै के मि रोमी सरकार का हथों मा सौंपे ग्यों।

गलातियों 1:13

हे विश्वासी भयों, तुम जंणदा छा कि जब मि यहूदी नियम-कानूनों का अनुसार जीवन ज्यूँदो छो, त मेरा भौत सैरा दगड़िया जु मेरा ही उम्र का छा, उ भि यहूदी नियम-कानूनों कु पालन करदा छा, पर मिल ऊं सभियूं तैं पिछनै छोड़ दींनि, किलैकि मि अपड़ा पुरणों का रीति-रिवाजों को पूरा दिल बट्टी पालन करदु छो। वे बगत मि यीशु का पिछनै चलणवला मण्डलि का लुखुं तैं जु पिता परमेश्वर की आराधना करदा छा, ऊं तैं सतौंणु कु निकली छो, मिल ऊं सभियूं तैं नाश कने की कोशिश कैरी।

फिलिप्पी 3:6

अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।