खास चेलों 22:4 - गढवली नयो नियम

⁴ मिल प्रभु का रस्ता मा लुखुं तैं इथग सतै कि जनन अर आदिमों तैं बंधि-बंधि के जेलखना म का भितर बंद कैरी दींनि, अर ऊं तैं मरवै भि दींनि।

Garhwali

⁴ “अर मिन यीशु पर बिस्वास करण वळा लोगु तैं भौत सतै, इख तक कि भौतों तैं मार भि दिनी, इख तक कि भौत सि जनानियों अर बैखों तैं बन्धी बणै के जेलखाना मा डलवै दिनी।

खास चेलों 22:4 Referans Kwoze

1 कुरिन्थि 15:9

किलैकि मि प्रेरितों मा सभियूं मा सबसे कम खूबी रखदु, अर प्रेरित बुल्णा का लैक भि नि छौं, किलैकि मिल पिता परमेश्वर की मण्डलि मा विश्वासियों तैं सतै छो।

फिलिप्पी 3:6

अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

खास चेलों 24:14

मि तेरु संमणी यु अंगीकार करदु, कि मि प्रभु का रस्ता कु शिष्य हवे के अपड़ा पूर्वजों का पिता परमेश्वर की आराधना करदु, जै तैं यु झूठा यहूदी अगुवों को दल बुल्दींनि, अर जु बात मूसा द्वारा लिखीं परमेश्वर की व्यवस्था मा छै अर परमेश्वर का तरपां बट्टी बुल्ण वलो कि किताबों मा लिखीं छिनी, ऊं सभियूं पर मि विश्वास करदु।

खास चेलों 19:23

वे बगत प्रभु का रस्ता की शिक्षा का बारा मा भौत घपरौल हवे।

खास चेलों 19:9

पर जब कुछ लुखुं ल ढीट हवे के वेको विश्वास कन से मना कैरी द्ये बल्कि लुखुं का संमणी प्रभु का रस्ता की शिक्षा तैं बुरो बुल्ण लगि गैनी, त वेल ऊं तैं छोड़ी दींनि अर चेलों तैं अफ दगड़ी ली गै। अर रोज उ विश्वासियों का दगड़ी तुरत्रुस कि पाठशाला मा विचार-विमर्श करदु छो।

खास चेलों 18:26

उ यहूदियों का मिलणा का भवन मा निडर हवे के बुल्ण लगि गै, पर प्रिस्किल्ला अर अक्विला वेकी बात सूंणि कै वे तैं अपड़ा इख ली गैनी अर परमेश्वर को रस्ता वे तैं ठिक ढंग से बतै।

खास चेलों 16:17

व पौलुस अर हमारा पिछनै ऐ के चिलांण लगि गै, “कि यु मनिख परमप्रधान परमेश्वर पिता का दास छिनी, उ हम तैं बतांणा छिनी की कनके उद्धार हवे सकद।”

खास चेलों 9:21

तब सभि लोग यु सूंणि के हैरान हवे गैनी अर बुल्ण लगी गैनी, कि यु उ ही च, जु यरूशलेम शहर मा यीशु का विश्वासी तैं नाश कनु छो, अर इख भि इलै ही अयूँ च, कि ऊं तैं बंधि के प्रधान याजकों मा ली जौं।

खास चेलों 7:58

अर स्तिफनुस तैं पकड़ी अर घसीट के यरूशलेम शहर बट्टी भैर लै के वे पर ढुंग्यो कैरी। अर स्तिफनुस पर भंगार लगै अर अपड़ा कपड़ा शाऊल नौं का एक जवान का खुट्टों का संमणी रखदींनि।

गलातियों 1:13

हे विश्वासी भयों, तुम जंणदा छा कि जब मि यहूदी नियम-कानूनों का अनुसार जीवन ज्यूँदो छो, त मेरा भौत सैरा दगड़िया जु मेरा ही उम्र का छा, उ भि यहूदी नियम-कानूनों कु पालन करदा छा, पर मिल ऊं सभियूं तैं पिछनै छोड़ दींनि, किलैकि मि अपड़ा पुरणों का रीति-रिवाजों को पूरा दिल बट्टी पालन करदु छो। वे बगत मि यीशु का पिछनै चलणवला मण्डलि का लुखुं तैं जु पिता परमेश्वर की आराधना करदा छा, ऊं तैं सतौंणु कु निकली छो, मिल ऊं सभियूं तैं नाश कने की कोशिश कैरी।

2 पतरस 2:2

भौत सा लोग जु बुल्दींनि कि उ विश्वासी छिनी, उ यूं झूठा शिक्षकों का अनैतिक ढंग की नकल करला, अर हैंका लोग जु विश्वासी नि छिनी, पिता परमेश्वर का तरपां जांणवला रस्ता का बारा मा बुरी-बुरी बात बुलला।