खास चेलों 21:39 - गढवली नयो नियम

³⁹ अर पौलुस ल बोलि, “न, मि एक यहूदी छों, मि किलिकिया प्रदेश का तरसुस नगर को निवासी छों, जु एक मुख्य शहर च, अर मि त्वे बट्टी बिनती करदो छों, कि मि तैं लुखुं दगड़ी बात कन दे।”

Garhwali

³⁹ तब पौलुस न बोलि, “असल मा साब, मि एक यहूदी नागरिक छौं, अर किलिकिया मुलक का जाणा-माणा नगर तरसुस को वासी छौं। अर मि तुम से बिन्ती करदु, कि मितैं यों लोगु का दगड़ा मा बात करण की इजाजत दे द्‍या।”

खास चेलों 21:39 Referans Kwoze

खास चेलों 22:3

“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”

खास चेलों 9:11

तब प्रभु ल वे बट्टी बोलि, उठि के, सीधी नौं वली गली मा जा, उख यहूदा का घौर मा शाऊल नौं को एक तरसुस शहर को रौंण वला का बारा मा पता लगौ; किलैकि उ उख प्रार्थना कनु च,

खास चेलों 6:9

पर कुछ लुखुं ल स्तिफनुस कु विरोध कैरी, जु दासत्व-मुक्त यहूदियों का मिलणा का भवन को सदस्य छा। उ लोग कुरेन अर सिकन्दरिया शहरों बट्टी अर किलिकिया अर एशिया प्रान्तों बट्टी भि छा, यु लोग स्तिफनुस का दगड़ी वाद-विवाद कन लगि गैनी।

1 पतरस 3:15

पर अपड़ा मनों मा मसीह कु आदर-सत्कार रखा, अर प्रभु का रूप मा वे तैं सम्मान द्या, अर हमेशा हर कै तैं जवाब दींणु कु तैयार रावा जु तुम बट्टी वीं आस तैं समझणु कु पुछदींनि जु सैरा विश्वासी कठ्ठा करदींनि, पर यु तुम नम्र अर सम्मान का दगड़ी कैरा। हमेशा उ ही कैरा जु सही च। फिर जु लोग तुम्हरा विरुद्ध बुरो बुल्दींनि, त उ ही शर्मिंदा होला जब उ मसीह का दगड़ी तुम्हरा सम्बंध का कारण तुम्हरो अच्छो बरतौ तैं दिखला।

खास चेलों 23:34

राज्यपाल ल पैढ़ी के पूछि, “तू कै प्रदेश को च अर जब वे तैं पता लगि कि यु किलिकिया प्रदेश को च ?”

खास चेलों 23:27

यहूदियों यु आदिम तैं पकड़ी के मरण वला छा, पर जब मि तैं मालुम हवे कि यु रोमी च, तब पलटण का द्वारा छुड़ै के वे तैं लै के औं।

खास चेलों 21:37

जब उ पौलुस तैं किला का भितर लिजांण वला छा, त वेल पलटण का सेनापति कु बोलि, “क्य मि त्वे बट्टी कुछ बोलि सकदु” पलटण का सेनापति ल बोलि, “क्य तु यूनानी भाषा जंणदी छै ?”

खास चेलों 16:37

पर पौलुस ल ऊंकु बोलि, “रोम शहर का रौंण वला छा भंगारी नि हूंण पर भि लुखुं का संमणी मारि अर जेल मा डाली दींनि, अर क्य अब उ हम तैं सुरुक कै निकलण चांणा छिनी? इन कै न पर उ खुद ऐ के हम तैं भैर लिजौनु।”

खास चेलों 15:41

फिर उ पूरा सीरिया अर किलिकिया प्रान्तों मा गै अर मण्डलि का विश्वासियों तैं प्रोत्साहित करदी गै।

खास चेलों 15:23

अर ऊंल यु चिठ्ठी तैं वेका दगड़ी भेजि “अन्ताकिया शहर, सीरिया अर किलिकिया प्रान्तों मा अन्यजाति विश्वासी भयों कु कि प्रेरितों अर पुरणा अगुवा भयों की तरपां बट्टी प्रणाम!

खास चेलों 9:30

तब हैंका विश्वासी चेलों तैं ईं बात का बारा मा पता चलि त उ शाऊल तैं कैसरिया शहर मा ली गैनी, अर उख उ वेको पांणी का जहाज ल तरसुस शहर कु जांणै की व्यवस्था कैरी, जु वेको अपड़ो शहर छो।