खास चेलों 21:24 - गढवली नयो नियम

²⁴ ऊं तैं लिजै के ऊं दगड़ी तु अफ तैं भि शुद्ध कनै की विधि पूरी कैर; अर ऊंकु खर्च दे, कि उ अपड़ा मुंड मुंड़ौनु। तब सभि लोग जांणि जाला, कि जु बात ऊंल तेरु बारा मा सुणये गै, कि ऊंकी कुई जड़ नि च पर तु अफ भि मूसा की व्यवस्था तैं मांणी के वेका अनुसार चलदी छै।

Garhwali

²⁴ अर यों लोगु तैं अपणा दगड़ा मन्दिर मा लि जा, अर ऊंका दगड़ा मा शुद्धिकरण का रीति-रिवाजों तैं पूरु कैर, अर ऊंको मुण्ड़न करौण को खर्च-पाणि भि तू ही उठे। अर इन देखि के सब लोग जाणि जाला, कि जु बात तेरा बारा मा बतये गैनी, वु सब झूठ्‍ठी छै। अर इन करण से ऊंतैं इन पता चलि जालु, कि तू भि नियम-कानूनों का मुताबिक चलदि।

खास चेलों 21:24 Referans Kwoze

खास चेलों 21:26

दुसरा दिन पौलुस ल ऊं मनिख्युं का दगड़ी जै के अफ तैं शुद्ध कैरी, तब उ यरूशलेम शहर का मन्दिर गैनी, अर यु प्रचार कैरी की शुद्ध हूंणा का दिन कब खत्म होला, अर ऊंमा बट्टी हरेक कु बलिदान चढ़ै जाली।

खास चेलों 24:18

मि शुद्ध हूंणा की रीति का बलिदान का बाद यरूशलेम शहर का मन्दिर मा छो, यहूदियों ल मि तैं उख देखि; अर उख न कुई भीड़ छै अर न गड़बड़ी,

खास चेलों 18:18

यांका बाद पौलुस कुछ बगत तक कुरिन्थुस शहर मा रै, फिर वे विश्वासी भयों बट्टी विदा हवे के नजदीक का किंख्रिया शहर मा चलि गै। उख जै के पौलुस ल यहूदी रीति का अनुसार अपड़ा मुंडन कैरे दींनि, ईं रीति का अनुसार वेल अपड़ी सौं पूरी कैरी। फिर जहाज मा बैठी के सीरिया प्रदेश चलि गै अर प्रिस्किल्ला अर अक्विला तैं अफ दगड़ी ली गै।

1 कुरिन्थि 9:20

मतलब, जब मि यहूदियों का दगड़ी छों, त मि ऊं तैं मसीह मा लांणु कु एक यहूदी का जन रौंदु छो; उ यहूदी मूसा की व्यवस्था तैं मणदींनि, त मि भि वीं व्यवस्था का अधीन ही रौंदु छो; जबकि मि तैं इन कनै की जरूरत नि च, पर फिर भि मि यहूदियों कु यहूदी बणु, कि ऊं लुखुं तैं मसीह पर विश्वास मा लै साको।

गलातियों 2:12

इलै कि उ पैली अन्यजातियों का दगड़ी खांणु खांदु छों; पर जब याकूब का द्वारा भेजि गै कुछ विश्वासी यरूशलेम शहर बट्टी ऐनी, त वेल यहूदी लुखुं का डौर का कारण जु को खतना हुयुं छो ऊं दगड़ी मेल-जोल रखण अर खांणु खांण बंद कैरी दींनि अर किनारा कन लगि गै।

यूहन्ना 11:55

यहूदियों कु फसह कु त्यौहार का बगत नजीक छो अर भौत सैरा लोग फसह से पैली अपड़ा गौं बट्टी यरूशलेम शहर कु गैनी कि मंदिर मा अपड़ा आप तैं शुद्ध कैरा।

यूहन्ना 3:25

उख यूहन्ना का चेलों कु कै यहूदियों का अपड़ा धार्मिक रीति का अनुसार हथ धुणौं कु रिवाज छो येका बारा मा झगड़ा हवे।