खास चेलों 20:9 - गढवली नयो नियम

⁹ यूतुखुस नौं को एक जवान आदिम खिड़की मा बैठयूं छो, अर उ गहरी निंद मा ढक-ढक टुटगो हूंणु छो पौलुस अबेर तक शिक्षा दींणु रै। त तब उ जवान आदिम निंद का ढक ढयाक मा तिसरी मंजिल बट्टी मूड़ी पोड़ी गै अर तब कुछ लोग मुड़ी भगिनि अर जै के वे तैं उठै, त उ मोरि गै छो।

Garhwali

⁹ अर यूतुखुस नौ को एक ज्वान मनखि खिड़की मा बैठयूं छौ। अर वेतैं निन्दया टोळा औण लगि गैनी, किलैकि पौलुस भौत देर तक बोन्‍न पर लग्यूं छौ, अर निन्द गैरी होण की वजै से वु तीमंजिल बटि मूड़ी पोड़ि गै। तब लोगु न मूड़ी जैके वेतैं उठे मगर तबरि तक उ मोरि गै छौ।

खास चेलों 20:9 Referans Kwoze

मरकुस 13:36

देखा इन नि हो कि उ अचानक ऐ जौं अर तुम तैं सियूं देखु।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

मरकुस 9:26

तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।

खास चेलों 20:7

हप्ता का पैला दिन जब हम प्रभु भोज कु कट्ठा हुयां त पौलुस ल जु दुसरा दिन जांण वलो छो, ऊं बट्टी बात कैरी, अर अधा राती तक शिक्षा दींणु रै।

खास चेलों 20:8

जै मंजयूल मा हम कट्ठा हुयां छा, उख भौत सैरा दिवडा बलयां छा।

खास चेलों 20:10

पर मूड़ी ऐ के पौलुस वे पर लिपटी गै, अर वे तैं भिटे के लुखुं कु बोलि, “घबरावा न किलैकि उ अब भि ज्यूँदो च।”