खास चेलों 20:6 - गढवली नयो नियम

⁶ पर हम ल मकिदुनिया प्रान्त का फिलिप्पी शहर कि यात्रा कैरी। अर अखमीरी रुट्टि का त्योहार का बाद फिलिप्पी शहर बट्टी पांणी का जहाज मा बैठी के पाँच दिन मा त्रोआस तक पौंछयां अर सात दिन तक उखी रयां।

Garhwali

⁶ अर अखमीरी रुट्‍टी का त्योवार का बाद हम फिलिप्पी नगर बटि पाणि का जाज मा बैठि के पांच दिनों का बाद त्रोआस नगर मा पौंछयां, अर सात दिनों तक उखि रयां।

खास चेलों 20:6 Referans Kwoze

खास चेलों 12:3

अर जब वेल देखि कि यहूदी यु देखि के खुश हूंदींनि, तब वेल पतरस तैं पकड़ी दींनि; वे दिन अखमीरी रुठी को त्यौहार छो।

खास चेलों 16:12

उख बट्टी हम मकिदुनिया प्रान्त का फिलिप्पी शहर पौंछयां जु रोमियों की बस्ति कु खास नगर च। अर हम वे नगर मा कुछ दिन रयां।

2 तीमुथियुस 4:13

जब तू ऐलि, त मेरू चोला ले के ऐ, जु मेरू त्रोआस नगर मा करपुस का घौर मा छोड़्युं च, अर मेरी चिठ्ठियूं तैं भि खास कैरी कै चाम्रपत्र (जु चमड़ा का खलड़ो ल बंणि छिनी) तैं भि ले के ऐइ।

1 थिस्सलुनीकी 2:2

तुम जंणदा ही छा, कि पैली हम ल फिलिप्पी शहर मा दुःख अर अपमान सौण पर फिर भि हमारा पिता परमेश्वर ल हम तैं इन साहस दींनि, कि तुम्हरा शहर का लुखुं का कारण हमारो भारी विरोध हूंण पर फिर भि हम ल पिता परमेश्वर का शुभ सन्देश तैं और भि जादा तुम तैं सुंणै।

फिलिप्पी 1:1

मि पौलुस तीमुथियुस का दगड़ी या चिठ्ठी लिखणु छो अर हम मसीह यीशु का सेवक छा। ऊं अध्यक्ष अर सेवकों दगड़ी सभि पवित्र लुखुं कु जु मसीह यीशु मा हवे के फिलिप्पी शहर मा रौंदा छा।

खास चेलों 28:14

उख हम तैं मसीह विश्वासी भैय मिलिनि अर ऊंल हम तैं निमंत्रण दींनि कि सात दिन तक हमारा इख रावा अर वेका बाद, हम ल धरती मार्ग का रस्ता रोम शहर की तरपां अपड़ी यात्रा शुरू कैरी।

खास चेलों 21:8

दुसरा दिन हम उख बट्टी चलि के कैसरिया शहर मा पौंछि, अर फिलिप्पुस सुसमाचार प्रचारक का घौर मा उ, ऊं सात आदिमों मा बट्टी एक छो, जौं तैं यरूशलेम शहर मा प्रेरितों ल विधवाओं की देखभाल कु चुणयूं छो, जै के वेका यख रै।

खास चेलों 21:4

उख हम ल ढूंडी अर कुछ चेला हम तैं मिलिनि, अर हम उख सात दिन तक रैयां। तब ऊंल पवित्र आत्मा का आज्ञा पर पौलुस बट्टी यरूशलेम शहर नि जांणै की बिनती कैरी।

खास चेलों 16:8

तब उ मूसिया प्रान्त बट्टी हवे के बंदरगाह वला शहर त्रोआस मा ऐ।

खास चेलों 16:10

पौलुस का यूं दर्शन देखदी ही हम ल झट मकिदुनिया प्रान्त जांणै की योजना बंणै, इन समझी कै कि परमेश्वर ल हम तैं ऊं तैं शुभ सन्देश प्रचार सुणौंणु कु बुल्युं च।

खास चेलों 20:5

यूं दगड़िया यात्री हम बट्टी अगनैं चलि गै छा अर त्रोआस नगर फूंजी कै हमारो जग्वाल कना छा!

खास चेलों 20:16

पौलुस ल इफिसुस शहर मा नि उतरणु को फैसला कैरी किलैकि उ एशिया प्रान्त मा और जादा बगत नि बितांण चांदु छो, उ जल्दी मा छो कि जु इन हवे साको उ पिन्तेकुस्त का त्योहार का दिन यरूशलेम शहर मा रै सकुनु।