खास चेलों 20:30 - गढवली नयो नियम

³⁰ यख तक कि तुम्हरा अपड़ा विश्वासियों का दल बट्टी, इन लोग आला, जु चेलों तैं अपड़ा पिछनै खिंचणु कु उल्टी सीधी शिक्षा द्याला।

Garhwali

³⁰ इख तक कि, तुम लोगु मा बटि ही कुछ लोग इन निकळळा, जु कि अपणी गळत शिक्षा देके, बिस्वासी लोगु तैं भि अपणा दगड़ा मा कैरी द्‍याला।

खास चेलों 20:30 Referans Kwoze

1 यूहन्ना 2:19

उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

खास चेलों 11:26

अर जब उ वे तैं उख मिलिनि त वे तैं अफ दगड़ी अन्ताकिया शहर ले एनि। अर इन हवे कि शाऊल अर बरनबास अन्ताकिया शहर मा एक साल तक प्रभु यीशु का बारा मा मण्डलि का लुखुं तैं सिखाैंदी रैनी। तब पैली बार अन्ताकिया शहर मा चेला “मसीही” कहलै गैनी।

दिब्य दरस 2:6

पर मि त्वे बट्टी खुश भि छो किलैकि तू ऊं लुखुं का कामों बट्टी घीणांदी छै जु निकोलस कु अनुसरण करदी, उन ही के जन ऊंका कामों बट्टी मि घीणांदु।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

1 तीमुथियुस 6:5

अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।

1 तीमुथियुस 5:13

अर यांका दगड़ी-दगड़ी उ घौर-घौर रीटिके अलकसी हवे जंदींनि, अर भस अलकसी ही न, पर दुसरा लुखुं का बारा मा चुगली करदी अर और का कामों मा दखल दींदिनि, अर इन बात बुल्दींनि जु बुल्ण लैख नि हूंदींनि।

खास चेलों 21:38

“क्य तु मिस्री नि छै?, जु कुछ बगत पैली सरकार का खिलाफ विद्रोह कैरी, चार हजार हथियारबंद लुखुं तैं एकांत जंगल मा ली गै छो?”

मत्ती 23:15

“हे कपटि मूसा की व्यवस्था तैं सिखांण वलो अर फरीसियों हाय च तुम पर तुम एक मनिख तैं अपड़ा मत मा लौंणु कु लिये हर जगह यात्रा करदींनि अर जब उ विश्वास करदींनि त वे तैं दुगणा नरक मा जांण का लैक बंणि जंदींनि जु की तुम खुद छा।”

2 कुरिन्थि 11:13

किलैकि इन लोग झूठा प्रेरित, अर धोखा ल काम कन वला, अर उ मसीह हूंणो कु भि दावा करदींनि अर प्रेरित हूंणो कु भि झूठो दावा करदींनि।