खास चेलों 20:26 - गढवली नयो नियम

²⁶ इलै मि तुम मा सच-सच बुल्णु छौं, कि जु तुम मा बट्टी कुई भि यीशु पर विश्वास करयां बगैर मोरि जांद, त या मेरी गलती नि च अर मि वेका ल्वे बट्टी निर्दोष छो।

Garhwali

²⁶ इलै आज का दिन मि ईं बात की घोसणा कैरिके बुल्दु, कि अगर तुम मा बटि कुई मनखि प्रभु तैं स्वीकार नि करलु अर वेको नास ह्‍वे जालु, त वेको जबाबदार मि नि छौं।

खास चेलों 20:26 Referans Kwoze

खास चेलों 18:6

पर जब यहूदी विरोध अर पौलुस का बेजती कन लगि गैनी, त वेल अपड़ा कपड़ा बट्टी धूल झाड़ि कै वेमा बोलि, “तुम खुद ही वे ल्वे का कारण दण्ड कु जिम्मेदार छा, जु तुम्हरो परमेश्वर की तरपां बट्टी मिलालो मि भंगारी नि छों। अब बट्टी मि अन्यजातियों मा जौलु अर अन्यजातियों का बीच परमेश्वर कु संदेश कु प्रचार करुलु।

यूहन्ना 12:17

तब भीड़ का लुखुं ल जु वे बगत यीशु का दगड़ी छा उ दूसरो तैं बतांण लगि गैनी की वेल लाजर तैं कब्र मा बट्टी बुलै वे तैं ज्यूँदो कैरी।

2 कुरिन्थि 8:3

अर ऊंका बारा मा मेरी य गव्है च, कि ऊंल अपड़ी सामर्थ से भि बड़ी के अपड़ा मन से दान द्ये।

2 कुरिन्थि 7:2

हम तैं अपड़ा दिल से प्रेम कैरा; हम ल न कै बट्टी अन्यो कैरी, न कै तैं बिगाड़ी, अर न कै तैं ठगी।

2 कुरिन्थि 1:23

पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।

रोमियों 10:2

किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

यूहन्ना 19:35

जै आदिम ल यु सब देखि, वेल गव्है दींनि, कि तुम भि यीशु पर विश्वास कैर सका अर वेकी गव्है सच हो। अर उ जंणदु च कि उ सचै बट्टी बुल्दो की तुम विश्वास कैरा।

1 तीमुथियुस 5:22

कै पर जल्दी हथ रखि के, वे तैं अध्यक्ष नियुक्त नि कैर, अर जु तु इन करदी त वेका पापों मा जिम्मेदार बणदी; अर अनुचित बातों मा अफ तैं दूर रख।