खास चेलों 2:5 - गढवली नयो नियम

⁵ वे बगत आसमान का मूड़ी रौंण वला हर अन्य-जाति को जु पिता परमेश्वर का भय मनणवला कई यहूदी छा जु कि दुनिया का हरेक देश बट्टी त्यौहार मनांण कु अयां छा अर यरूशलेम शहर मा रौंणा छा।

Garhwali

⁵ अर वे बगत पर पूरि दुनियां का हरेक देस बटि यहूदी भक्‍त लोग यरूशलेम नगर मा रौणा छा।

खास चेलों 2:5 Referans Kwoze

खास चेलों 8:2

तब कुछ विश्वासी लुखुं ल स्तिफनुस तैं ली जै कै खडै दींनि; अर वेको भौत दुःख कैरी।

लूका 2:25

वे बगत यरूशलेम शहर मा शमौन नौं को एक आदिम छो अर उ आदिम धर्मी अर भक्त छो अर इस्राएल का लुखुं तैं शान्ति कि बाट जुगल्णु छो अर पवित्र आत्मा वेका दगड़ी छो।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

खास चेलों 22:12

उख हनन्याह नौं को एक आदिम छो उ व्यवस्था का अनुसार धर्मी छो, अर उख रांण वला यहूदी लुखुं मा आदरमान छो।

खास चेलों 13:50

पर यहूदियों का अगुवों ल ऊंची कुल की भक्त जननों तैं अर शहर का खास आदिमों तैं भड़कै। अर पौलुस अर बरनबास का खिलाफ जुल्म किये के ऊं तैं अपड़ा इलाका बट्टी भैर निकाली दींनि।

खास चेलों 10:7

येका बाद व स्वर्गदूत उख बट्टी चलि गै, अर कुरनेलियुस ल द्वी सेवकों जु वेका दगड़ी रौंदा छा, अर वेकी लगातार सेवा का कनु कु जु भक्त सिपै छो तैं बुलै,

खास चेलों 10:2

उ अर वेको परिवार धर्मी अर पिता परमेश्वर को भक्त छो, येका अलावा उ यहूदी गरीब आदिमों तैं दान दींदो छो अर हर बगत प्रार्थना मा लग्युं रौंदो छो।

खास चेलों 8:27

तब फिलिप्पुस दक्षिण की तरपां जांण लगि गै, अर बट्टा मा वे तैं इथोपिया देश को एक अधिकारी मिली। उ महारानी को एक बड़ो खजांची छो अर उ पिता परमेश्वर की आराधना कनु कु यरूशलेम शहर मा ग्यूं छो।

खास चेलों 2:1

यहूदियों का पिन्तेकुस्त का त्यौहार का दिन, त सभि चेला एक जगह मा कट्ठा हुयां छा।

यूहन्ना 12:20

उख कुछ अन्यजाति यूनानी छा जु फसह का त्यौहार का दौरान आराधना कनु कु यरूशलेम मा ऐ छा

लूका 24:18

यु सूंणि कै, ऊंमा बट्टी क्लियोपस नौं का एक मनिख ल बोलि, “क्य तुम यरूशलेम शहर मा यखुली परदेशी छा जु नि पिछला कुछ दिनों मा इख क्य-क्य हवे”

लूका 17:24

किलैकि जन बिजली आसमान मा पूरब बट्टी पश्चिम तक चमकदी उन ही मि मनिख कु नौंनो कु औंण भि होलो।

मत्ती 24:14

अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।