खास चेलों 2:32 - गढवली नयो नियम

³² परमेश्वर ल यु यीशु ज्यूँदो कैरी जैका हम सभि गवाह छा।

Garhwali

³² अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

खास चेलों 2:32 Referans Kwoze

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

खास चेलों 4:33

प्रेरितों बड़ी सामर्थ का दगड़ी प्रभु यीशु कि फिर से ज्यून्दा होंणै गव्है दींण रैनी अर ऊं सभियूं पर बड़ी कृपा छै।

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

यूहन्ना 15:27

अर तुम दुनिया तैं मेरा बारा मा बतैला किलैकि तुम शुरू बट्टी मि दगड़ी ही रौंदा छा।”

खास चेलों 3:26

परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”

खास चेलों 4:10

त तुम सब लोग अर सैरा इस्राएलियों तैं जांणि जांण चयणु च की यीशु मसीह नासरी जै तैं तुम ल सूली पर चड़ै अर पिता परमेश्वर ल यीशु तैं मुर्दों मा बट्टी दुबारा ज्यूँदो कैरी अर आज यीशु का नौं बट्टी यु मनिख तुमारा संमणी अच्छो भलो खड़ो च।

खास चेलों 5:30

हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।

खास चेलों 13:30

पर पिता परमेश्वर ल वे तैं मुरयां मा बट्टी फिर से ज्यूँदो कैरी,

खास चेलों 13:33

पिता परमेश्वर ल यीशु तैं मुरयां बट्टी ज्यूँदो कैरी, उ ही वादा वेल ऊंका वंशजों कु पूरा कैरी। जन कि भजन संहिता की किताब वेका दुसरा संख्या मा नौंनो का बारा मा पिता परमेश्वर ल बोलि, “कि तू मेरू नौंनो छै अर आज बट्टी मि तेरु बुबा बंणि ग्यूं”

खास चेलों 17:31

किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।

1 कुरिन्थि 6:14

यांका अलावा, हमारी देह बहुत खास छिनी, किलैकि जन कै पिता परमेश्वर ल प्रभु यीशु तैं मुर्दों मा बट्टी ज्यूँदो कनु कु अपड़ी सामर्थ कु इस्तेमाल कैरी छो, इलै उ हम तैं भि मुर्दों मा बट्टी ज्यूँदो करलो।

1 कुरिन्थि 15:15

जु मुर्दों तैं ज्यून्दो नि किये जांद, त हम परमेश्वर का झूठा गवाह ठैरदा; कि जु मुरयां हक्कीकत मा ज्यून्दा नि किये जांदा त परमेश्वर ल मसीह तैं भि जीवित नि कैरी।

2 कुरिन्थि 4:14

किलैकि हम जंणदा छा, जैल प्रभु यीशु तैं मौत बट्टी ज्यूँदो कैरी, उ ही हम तैं भि यीशु मा हिस्सादार जांणि के मौत बट्टी ज्यूँदो करलो, अर पिता परमेश्वर तुम सभियूं का दगड़ी हम तैं भि लालो कि हम सभियूं तैं अपड़ा संमणी हाजिर कैरो।

गलातियों 1:1

मि पौलुस, एक प्रेरित छो, जु न मनिख्युं की तरपां बट्टी, बल्कि मि यीशु मसीह अर पिता परमेश्वर का द्वारा, जैल वे तैं मुरदों मा बट्टी ज्यूँदो कैरी,

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।