खास चेलों 2:24 - गढवली नयो नियम

²⁴ पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

Garhwali

²⁴ पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

खास चेलों 2:24 Referans Kwoze

1 कुरिन्थि 6:14

यांका अलावा, हमारी देह बहुत खास छिनी, किलैकि जन कै पिता परमेश्वर ल प्रभु यीशु तैं मुर्दों मा बट्टी ज्यूँदो कनु कु अपड़ी सामर्थ कु इस्तेमाल कैरी छो, इलै उ हम तैं भि मुर्दों मा बट्टी ज्यूँदो करलो।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।

कुलुसी 2:12

अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

यूहन्ना 10:18

कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च।

2 कुरिन्थि 4:14

किलैकि हम जंणदा छा, जैल प्रभु यीशु तैं मौत बट्टी ज्यूँदो कैरी, उ ही हम तैं भि यीशु मा हिस्सादार जांणि के मौत बट्टी ज्यूँदो करलो, अर पिता परमेश्वर तुम सभियूं का दगड़ी हम तैं भि लालो कि हम सभियूं तैं अपड़ा संमणी हाजिर कैरो।

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

रोमियों 6:4

इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

रोमियों 10:9

कि जु तु अपड़ा गिच्चा बट्टी यीशु तैं अपड़ो प्रभु जांणि कै पूरी रीति बट्टी स्वीकार करिली अर अपड़ा मन बट्टी विश्वास कैरा कि परमेश्वर ल यीशु तैं मुर्दों मा बट्टी ज्यूंदों कैरी, त पिता परमेश्वर तेरु उद्धार कैरी के त्वे तैं बचालो।

रोमियों 4:24

बल्कि हम कु भि जूं कु विश्वास धार्मिकता गिणै जौं, मतलब हम कि जु परमेश्वर पर विश्वास करुला, जैल हमारा प्रभु यीशु तैं मुर्दों मा बट्टी ज्यूँदो कैरी, त हम भि विश्वास का कारण धर्मी मंणै जौला।

खास चेलों 17:31

किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।

खास चेलों 13:30

पर पिता परमेश्वर ल वे तैं मुरयां मा बट्टी फिर से ज्यूँदो कैरी,

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

गलातियों 1:1

मि पौलुस, एक प्रेरित छो, जु न मनिख्युं की तरपां बट्टी, बल्कि मि यीशु मसीह अर पिता परमेश्वर का द्वारा, जैल वे तैं मुरदों मा बट्टी ज्यूँदो कैरी,

खास चेलों 3:26

परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”

1 कुरिन्थि 15:15

जु मुर्दों तैं ज्यून्दो नि किये जांद, त हम परमेश्वर का झूठा गवाह ठैरदा; कि जु मुरयां हक्कीकत मा ज्यून्दा नि किये जांदा त परमेश्वर ल मसीह तैं भि जीवित नि कैरी।

खास चेलों 13:37

पर उ यीशु का बारा मा बात कनु च, जै तैं पिता परमेश्वर ल मुर्दों मा बट्टी ज्यूँदो कैरी, अर उ सैड़ी नि सकदु।

खास चेलों 4:10

त तुम सब लोग अर सैरा इस्राएलियों तैं जांणि जांण चयणु च की यीशु मसीह नासरी जै तैं तुम ल सूली पर चड़ै अर पिता परमेश्वर ल यीशु तैं मुर्दों मा बट्टी दुबारा ज्यूँदो कैरी अर आज यीशु का नौं बट्टी यु मनिख तुमारा संमणी अच्छो भलो खड़ो च।

यूहन्ना 20:9

परमेश्वर का वचन मा यीशु का बारा मा यु निश्चित रूप बट्टी लिखै गै छो की उ मुरण बट्टी फिर ज्यूँदो हवे जालो, पर उ अभि तक यां तैं समझ नि पै छा।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

1 कुरिन्थि 15:12

इलै अब मि तुम बट्टी पुछण चांणु छों; किलैकि हम सभियूं ल तुम्हरा बीच मा यु प्रचार कैरी कि जब मसीह मोरि त, पिता परमेश्वर ल वे तैं ज्यून्दो कैरी दींनि, त तुम मा बट्टी कुई भि यु नि बोलु, कि पिता परमेश्वर का विश्वासियों का मुरणा का बाद फिर से ज्यून्दो नि करलो!

रोमियों 14:9

किलैकि मसीह इलै मोरि अर ज्यूंदों हवे गै, कि उ ऊई च जै तैं ज्यूंदों अर मुरयां लुखुं द्वी प्रभु का रूप मा स्वीकार करदींनि।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

यूहन्ना 12:39

यु कारण से ऊंल विश्वास नि कैरी सैकी किलैकि यशायाह ल इन भि बोलि,

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

मत्ती 27:63

“हे झूठा स्वामी हम तैं याद च कि वे झूठा बुल्ण वला ल जब उ ज्यूँदो छो त वेल बोलि छो कि मेरा मुरणा का तीन दिन का बाद ज्यूँदो हवे जौलु।

यूहन्ना 10:35

अर तुम जंणदा छा, कि परमेश्वर का वचन तैं बदलाव नि किये जै सकद, इलै जु वेका लुखुं का अगुवों तैं “ईश्वर” बुलै गै जै मा परमेश्वर कु वचन फूंजी (अर परमेश्वर की बात लोप नि हवे सकदो।)

खास चेलों 1:16

“हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।

खास चेलों 5:30

हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।

1 कुरिन्थि 15:4

अर खडै गै; अर परमेश्वर का वचन का अनुसार तिसरा दिन पिता परमेश्वर ल वे तैं मुर्दों मा बट्टी ज्यूँदो कैर दींनि।

1 कुरिन्थि 15:20

पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।