खास चेलों 2:10 - गढवली नयो नियम

¹⁰ अर पंफूलिया प्रदेश, फ्रूगिया प्रदेश अर मिस्र देश कुरेन शहर का नजीक लीबिया देश का कुछ हिस्सा, यूं सभि देशों का यहूदियों ल अर रौंण वला अर रोम शहर मा दिखण वला अन्यजाति,

Garhwali

¹⁰ अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च।

खास चेलों 2:10 Referans Kwoze

खास चेलों 16:6

अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।

खास चेलों 18:23

फिर कुछ दिनों तक अन्ताकिया नगर रै के उख बट्टी भि निकली गै अर नगर-नगर यात्रा कैरी के गलातिया प्रदेश अर फ्रूगिया प्रदेश मा सभि चेलों तैं हिम्मत बढ़ौदी गै।

खास चेलों 15:38

पर पौलुस ल वें तैं अफ दगड़ी लिजांण ठिक नि समझी, किलैकि बरनबास ल ऊं तैं पंफूलिया प्रदेश मा छोडे़ले छो अर ऊंका काम मा ऊंको दगड़ी नि दींनि।

खास चेलों 13:43

अर जब यहूदियों का मिलणा का भवन मा बट्टी यहूदी सभा उठि गै त यहूदियों अर यहूदी मत मा बदलियां अन्यजाति भक्तों मा बट्टी बहुत सा पौलुस अर बरनबास का पिछनै हवे गैनी; अर ऊंल पौलुस अर बरनबास बट्टी बात कैरी के समझै, कि पिता परमेश्वर की कृपा मा बणयां रा।

खास चेलों 13:13

पौलुस अर वेका दगड़िया पाफुस शहर बट्टी समुद्री जहाज मा यात्रा शुरू कैरी, अर पंफूलिया प्रदेश का पिरगा शहर मा जै के पौंछि गैनी; अर यूहन्ना मरकुस ऊं तैं छोड़ी के यरूशलेम शहर कु वापिस ऐ गै।

2 तीमुथियुस 1:17

पर जब उ रोम शहर मा ऐ, त वेल हर जगह मि तैं ढूंडी कै मि बट्टी मिली।

रोमियों 1:15

इलै मि तुम तैं जु रोम शहर मा रौंदयां, शुभ सन्देश प्रचार कनु कु भरसक तैयार छों।

खास चेलों 27:5

हम समुद्र तैं पार कैरी के किलिकिया प्रदेश अर पंफूलिया प्रदेश का छाला ही छाला लूसिया प्रदेश का मूरा शहर मा पौंछयां।

खास चेलों 14:24

अर पिसिदिया जिला बट्टी हवे के उ पंफूलिया प्रदेश मा पौछिनी;

खास चेलों 11:20

पर ऊंमा बट्टी थोड़ा ही विश्वासी साइप्रस द्वीप का रौंण वला अर कुरेनी शहर का रौंण वला छा, जब उ अन्ताकिया शहर मा छा यूनानी भाषा बुल्ण वला तैं प्रभु यीशु को शुभ सन्देश प्रचार कन लगि गैनी।

मरकुस 15:21

जब उ शहर बट्टी भैर जांणा छा, तब शमौन नौं कु एक कुरेनि जु कै गौं बट्टी यरूशलेम शहर मा औंणु छो, सिकन्दर अर रुफुस कु बुबा छो अर उख बट्टी जांणु छो सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।

मत्ती 27:32

भैर जांण दफा ऊं तैं शमौन नौं कु एक कुरेनि जु कै गौं को छो मिली। अर सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।

दिब्य दरस 11:8

ऊंका शवों तैं वे बड़ा शहर यरूशलेम कि सड़कों पर पुड़ियां राला, जख ऊंको प्रभु सूली पर टंगे गै छो। यु शहर तैं चिन्ह का रूप मा सदोम या मिस्र को नौं दिए गै, किलैकि यु शहर का लोग सदोम अर मिस्र देश का रौंण वला लोग का जन भौत खराब छिनी।

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

खास चेलों 28:15

तब रोम शहर का मसीह विश्वासी भैय हमारा औंणै कि खबर सूंणि के अप्पियुस का चौक तक अर तीन धर्मशाला वली जगह तक हम तैं मिलुणु कु ऐनी। ऊं तैं देखि के पौलुस ल पिता परमेश्वर तैं धन्यवाद दींनि अर हिम्मत बंधि।

खास चेलों 18:2

उख वे तैं अक्विला नौं को एक यहूदी आदिम मिली जैको जन्म पुन्तुस प्रान्त मा हवे छो; उ अपड़ी घरवलि प्रिस्किल्ला का दगड़ी हाल ही मा इटली देश बट्टी ऐ छो, किलैकि सम्राट क्लौदियुस ल सभि यहूदियों तैं रोम शहर बट्टी निकली जंणै की आज्ञा दे छै, वे कानून का कारण, उ कुरिन्थुस शहर मा ऐनी।

खास चेलों 13:1

अन्ताकिया शहर का विश्वासियों की मण्डलि मा कई परमेश्वर का तरपां बट्टी बुल्ण वला अर कई शिक्षक छा। उ शिक्षक बरनबास अर शमौन, जैको दुसरो नौं नीगर भि छो, अर लूकियुस कुरेनी, अर देश का चौथाई भाग का हेरोदेस राजा को मुहबोला भैय जु दगड़ी बड़ा हवीनि मनाहेम, अर शाऊल।

खास चेलों 6:9

पर कुछ लुखुं ल स्तिफनुस कु विरोध कैरी, जु दासत्व-मुक्त यहूदियों का मिलणा का भवन को सदस्य छा। उ लोग कुरेन अर सिकन्दरिया शहरों बट्टी अर किलिकिया अर एशिया प्रान्तों बट्टी भि छा, यु लोग स्तिफनुस का दगड़ी वाद-विवाद कन लगि गैनी।

खास चेलों 6:5

या बात सैरी मण्डलि तैं ठिक लगि, अर ऊंल स्तिफनुस नौं का एक जवान तैं जु विश्वास अर पवित्र आत्मा बट्टी भुरयुं छो फिलिप्पुस, प्रुखुरुस, नीकानोर, तीमोन, परमिलास अर अन्ताकिया वासी नीकुलाउस तैं जु यहूदी मत मा ऐ गै छा, चुणि।

मत्ती 2:15

अर राजा हेरोदेस का मुरण तक मिस्र देश मा ही रै, इलै की उ वचन जु होशे जु परमेश्वर का तरपां बट्टी बुल्ण वलो का द्वारा भौत पैली बोलि छो उ पूरो हो कि, “मिल अपड़ा नौंना तैं मिस्र बट्टी बुलै।”

खास चेलों 23:11

वीं रात प्रभु यीशु ल पौलुस का संमणी खड़ो हवे के बोलि, “हे पौलुस, हिम्मत रख; किलैकि जन तिल यरूशलेम शहर मा मेरी गव्है दींनि, उन ही त्वे तैं रोम शहर मा भि गव्है दींण होली।”

मत्ती 23:15

“हे कपटि मूसा की व्यवस्था तैं सिखांण वलो अर फरीसियों हाय च तुम पर तुम एक मनिख तैं अपड़ा मत मा लौंणु कु लिये हर जगह यात्रा करदींनि अर जब उ विश्वास करदींनि त वे तैं दुगणा नरक मा जांण का लैक बंणि जंदींनि जु की तुम खुद छा।”

खास चेलों 2:11

जौनु यहूदी धर्म अपणैयले छो क्रेते अर अरब मुल्क का निवासी हम सभि अपड़ी-अपड़ी भाषा मा यूं बट्टी पिता परमेश्वर का बड़ा चमत्कार का कामों की चर्चा सुंणदां।”

खास चेलों 17:21

इलै की अब एथेंस वासी अर परदेशी जु उख रांदा छा नयी-नयी बात बुल्ण अर सुनण छोड़ी के दुसरा कै काम मा बगत नि बितांदा छा।