खास चेलों 19:34 - गढवली नयो नियम

³⁴ पर जब ऊंल जांणेले छो, कि यहूदी लोग (मसीही लुखुं का जन मूर्तिपूजा नि करदा छा) त सभि का सभि एक आवाज मा लगभग द्वी घण्टा तक चिलांणा रैनी कि इफिसुस वासियों कि अरतिमिस देवी की जय हो।

Garhwali

³⁴ मगर जब भीड़ का लोगु तैं इन पता चलि कि यू एक यहूदी मनखि च, त वु सभ्या का सभि लगभग दुई घन्टा तक इन बोलि के चिल्‍लाणा रैनी, “इफिसुस की अरतिमिस देवी, महान च।”

खास चेलों 19:34 Referans Kwoze

खास चेलों 19:28

सभि कारीगर इन सूंणि के गुस्सा से भारी गैनी अर चिल्लै चिलै कि बुल्ण लगि गैनी इफिसुस वासियों कि अरतिमिस देवी महान च।

दिब्य दरस 13:4

अर उ वे जानवर की आराधना कन लगि गैनी, अर बुल्ण लगि गैनी, “कु जानवर का क जन च? अर कु वे दगड़ी लड़ै कैर सकद? अर लुखुं ल वे अजगर की भि पूजा कन शुरू कैरी दींनि, किलैकि वेल यु जानवर तैं अपड़ो अधिकार दियेले छो।”

खास चेलों 16:20

अर ऊं तैं रोमी न्यायाधीश मा लिजै के बोलि, “यु लोग जु यहूदी छिनी हमारा शहर मा भरि उधम मचाणां छिनी।

मत्ती 6:7

पिता परमेश्वर बट्टी प्रार्थना कन दफा अन्यजातियों का जन बबड़ट नि कर किलैकि उ समझदींनि कि ऊंका भौत बबड़ट कन ल परमेश्वर ऊंकी सुणलो।

रोमियों 2:22

तु जु बुल्दी छै, “व्यभिचार नि करयां” क्य तू खुद ही व्यभिचार करदी? तू जु मूर्तियों बट्टी घीणांदी छै, क्य तु खुद ही यरूशलेम शहर का मन्दिर तैं लुटदी छै?

खास चेलों 19:26

तुम देखदां अर सुणदा छा की भस इफिसुस शहर ही मा न, पर एशिया प्रान्त का सभि गौ मा यु बोलि-बोलि के यु पौलुस ल भौत लुखुं तैं समझै अर भरमै भि च की जु हथों की कारीगरी छिन उ ईश्वर नि छिनी।

खास चेलों 19:24

उख एक सुनार छो जैको नौं दिमेत्रियुस छो उ एक यूनानी देवी अरतिमिस का मन्दिर को चांदी का जन ढांचा बणांदु छो। उ यु तैं बंणवै कै अर बेचि कै भौत लाभ कमौदो छो।

खास चेलों 19:33

भीड़ मा बट्टी कुछ यहूदियों ल सिकन्दर तैं भीड़ का संमणी धकै द्ये अर चिलै आज्ञा दींण लगि गैनी, अर सिकन्दर ल हथ बट्टी चुप रौंण कु सनकै के लुखुं का संमणी समझणु कु यत्न कैरी की यु क्य हूंणु च।

खास चेलों 19:35

तब नगर का अध्यक्ष ल लुखुं तैं चुप कैरी के बोलि, “हे इफिसुस वासियों, दुनिया का सभि लोग जंणदु च कु कि इफिसुस शहर की महान देवी अरतिमिस का मन्दिर की लोग देखभाल कना छिनी अर व स्वर्ग बट्टी गिरी छै।