खास चेलों 19:26 - गढवली नयो नियम

²⁶ तुम देखदां अर सुणदा छा की भस इफिसुस शहर ही मा न, पर एशिया प्रान्त का सभि गौ मा यु बोलि-बोलि के यु पौलुस ल भौत लुखुं तैं समझै अर भरमै भि च की जु हथों की कारीगरी छिन उ ईश्वर नि छिनी।

Garhwali

²⁶ अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 19:26 Referans Kwoze

1 कुरिन्थि 8:4

त फिर, मि तैं मूर्तियों का संमणी चढ़यूं बलि का खांणु का बारा मा पुछयां सवालों कु जवाब दींण चयणु च; हम जंणदा छा कि भस एक ही ज्यूँदो पिता परमेश्वर च अर ईं दुनिया मा मूर्तियां बेजान छिनी।

खास चेलों 17:29

इलै परमेश्वर की संतान हवे के हम तैं यु समझण ठिक नि च, कि परमेश्वर को रूप सोना या रूपा या ढुंगा का समान च, जु मनिख्युं का हथ ल अर सोच ल बणयां छिनी।

दिब्य दरस 9:20

पर और लोग जु ऊं विपत्तियों बट्टी पैली नि मरै गै छा, ऊंल अभि भि अपड़ा बुरा कामों बट्टी पछतौ नि कैरी छो। ऊंल हत्या कन, टूणा-टुटगा, यौन अनैतिकता या चोरी कन बट्टी पछतौ नि कैरी। ऊंल दुष्टात्माओं अर अपड़ी हथों बट्टी बंणि चीजों की आराधना कन भि नि छोड़ी, जन कि सोना या चाँदी या पितले या ढुंगा अर लखड़ो ल बणईं मूर्तियां, उ मूर्तियां, न त दिखदी छिनी, न सुणदींनि, अर न ही चलदी छिनी।

खास चेलों 19:10

द्वी बरसों तक इन ही हूंणु रै इलै इख तक कि एशिया प्रदेश का रांण वला चै उ यहूदी छा, चै अन्यजाति (यूनानियों) का छा सभियूं ल प्रभु कु वचन सूंणि।

खास चेलों 14:15

“हे लुखुं, तुम क्य कना छा? हम भि त तुम जन दुख-सुख भुगण वला आदिम छा, अर तुम तैं शुभ सन्देश प्रचार सुनांणा छा, कि तुम यूं बेकार की चीजों बट्टी दूर हवे के ज्यून्दा पिता परमेश्वर की तरपां आ। वेल ही आसमान अर धरती अर जु कुछ वां मा च सभि कुछ बणये।

1 थिस्सलुनीकी 1:9

किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

गलातियों 4:8

जब तुम पिता परमेश्वर तैं नि जंणदा छा, तुम वे बगत ऊं देबतों का दास छा, जु असली मा परमेश्वर छैं ही नि छिनी।

1 कुरिन्थि 12:2

तुम जंणदा छा, कि तुम विश्वासी बनण से पैली कन जीवन ज्यूंदा छा, तुम ऊं बेजान मूर्तियों कि आराधना कन कु कई बातों का द्वारा प्रभावित हवे छा।

खास चेलों 18:19

वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।

खास चेलों 19:1

जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।

खास चेलों 19:25

दिमेत्रियुस ल अपड़ा कारीगरों तैं बुलै अर इन चीजों कु कारीगरों तैं कट्ठा कैरी के बोलि, “हे भयों तुम जंणदा छा की यु काम ल हम तैं कथग रुप्या मिलदींनि।