खास चेलों 18:15 - गढवली नयो नियम

¹⁵ पर जब यु बैहस शब्दों, नौं अर तुम्हरी अपड़ी व्यवस्था का बारा मा च त तुम ही समझा किलैकि मि यूं बातों को न्यायी नि बनांण चांणु छौं।”

Garhwali

¹⁵ मगर तुमरो यू वाद-विवाद तुमरि शिक्षा, अर नियम-कानून, अर नौ का खातिर ही होणु च। इलै मि ये झगड़ा को न्याय नि करण चान्दु, किलैकि यू झगड़ा तुम लोगु को च इलै यां की तुम खुद ही निस्तारा।”

खास चेलों 18:15 Referans Kwoze

खास चेलों 23:29

तब मि तैं मालुम हवे गै, कि उ ऊंका यहूदी व्यवस्था कि बातों का बारा मा वे पर भंगार लगांणा छिनी, पर मरै जांण या बंधे जांण लैक वे पर कुई भि भंगार नि च।

खास चेलों 25:19

पर ऊंका बीच अपड़ा धर्म तैं लै के अर यीशु नौं को एक आदिम का बारा मा कुछ झगड़ा छो, जु मोरि गै छो; पर पौलुस दावा कनु च कि उ ज्यूँदो च।

1 तीमुथियुस 6:4

त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि

तीतुस 3:9

पर मूर्खतापूर्ण झगड़ों, वंशावलियों, मूसा की व्यवस्था का झगड़ों अर बखेड़ों से दूर रौ किलैकि उ फैदामन्द नि छिन बल्कि बेकार छिन।

2 तीमुथियुस 2:23

पर मूर्खता, अर अज्ञान का झगड़ो से बच्युं रौ; किलैकि तु जंणदी छै, कि यां बट्टी झगड़ा पैदा हूंदींनि।

1 तीमुथियुस 1:4

अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

खास चेलों 26:3

खास कैरी के इलै कि तु यहूदियों का रीति-रिवाजों तैं अर जौं बातों पर यहूदी लोग बहस करदींनि तु ऊं बातों तैं जंणदी छै, इलै मि बिनती करदु। कि सब्र रखि के मेरी बात सूंण।

खास चेलों 25:11

जु मि अपराधी छौं अर जु मिल मृत्यु दण्ड लैक कुई अपराध करयूं च, त मि तैं मृत्यु दण्ड स्वीकार च; जु यूं यहूदियों का द्वारा लगयां अपराध सै नि च, त कै तैं भि यु अधिकार नि च कि उ मि तैं यूं तैं सौंपी द्यो। मेरी बिनती च कि मेरू न्याय खुद कैसर का द्वारा किये जांण चयणु च।”

मत्ती 27:24

जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।”

यूहन्ना 18:31

पिलातुस ल ऊंकु बोलि, “तुम ही यु तैं लिजै कै अपड़ी व्यवस्था का अनुसार वेको न्याय कैरा।” यहूदियों का अगुवों ल वेमा बोलि, “हम मा कै तैं मनों को कुई अधिकार नि च की कैका प्राण लै।”

मत्ती 27:4

अर बोलि निर्दोष आदिम तैं मरणु कु पकड़वै के पाप कैरी पर ऊंल बोलि यां बट्टी हमारो कुई लींण दींण नि च या त तेरी आफत च अर तु जांण।

खास चेलों 18:13

ऊंल बोलि, “यु लुखुं तैं समझांणु च कि पिता परमेश्वर की आराधना इन रीति से कैरा, ज्वा व्यवस्था का अनुसार नि च।”