खास चेलों 17:5 - गढवली नयो नियम

⁵ पर कुछ यहूदियों ल खार खै के बजार बट्टी भौत दुष्ट लुखुं तैं अफ दगड़ी लैनी अर भीड़ लगै के शहर मा झगड़ा कन लगि गैनी, अर ऊंल यासोन का घौर पर हमला कैरी के पौलुस अर सिलास तैं लुखुं का संमणी लांण चै।

Garhwali

⁵ अर यू देखि के यहूदी लोग पौलुस अर सीलास तैं देखि के फूक्योंण लगि गैनी। तब ऊंन बजार बटि कुछ गुन्ड़ो तैं जमा कैरी अर ऊंकी एक भीड़ बणै, अर नगर मा घपरोळ मचौण लगि गैनी। अर वेका बाद ऊ सभ्या का सभि जबरन यासोन का घौर मा घुसी गैनी। अर पौलुस अर सीलास तैं खुज्याणा लगि गैनी, ताकि ऊ यों दुईयों तैं लोगु का बीच मा लि जै सैका।

खास चेलों 17:5 Referans Kwoze

गलातियों 5:26

हम तैं बड़ो मोन नि कन चयणु च, अर हम तैं एक-हैंका बट्टी जलन भि नि कन चयणी च।

खास चेलों 17:13

पर जब थिस्सलुनीके शहर का यहूदी जांणि गैनी की पौलुस बिरीया नगर मा भि परमेश्वर को वचन सुनांणु च त उख भि ऐ के लुखुं तैं गुस्सा हूंणु कु उकसाणा रैनी।

गलातियों 5:21

एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।

रोमियों 16:21

तीमुथियुस मेरा सहकर्मी अर लूकियुस अर यासोन अर सोसिपत्रुस मेरा दगड़िया यहूदी लुखुं, तुम तैं प्रणाम।

खास चेलों 17:7

अर यासोन ल ऊं तैं अपड़ा घौर मा खातिरदारी कैरी यु सभि का सभि इन बुल्दींनि कि यीशु राजा च अर रोमी कैसर की आज्ञा कु विरोध करदींनि।”

खास चेलों 14:2

पर जूं यहूदी लुखुं ल विश्वास न बट्टी मना कैर दींनि अर अन्यजाति लुखुं का मन विश्वासी भयों का खिलाफ भड़कै, अर बड़ी नफरत पैदा कैरी दींनि।

1 कुरिन्थि 3:3

किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?

खास चेलों 19:40

मि तैं डौर च कि हम रोमी सरकार द्वारा हंगामा शुरू कना का भंगार लगै जांणा का खतरा मा छा। यांको कुई कारण नि च, त हम ईं भीड़ का कठ्ठा हूंणो को कुई जवाब नि द्ये सकलो।”

खास चेलों 18:12

जब गल्लियों जु अखाया प्रान्त को राज्यपाल छो, त यहूदी लोग कट्ठा हवे के पौलुस पर हावि हवे गैनी, अर वे तैं राज्यपाल का न्याय आसण का संमणी लै के ऐनी।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

खास चेलों 13:45

पर यहूदी अगुवा भीड़ तैं देखि के रमसे गैनी, अर अपमान कैरी के पौलुस की बातों का विरोध मा बुल्ण लगि गैनी।

मत्ती 27:18

किलैकि उ जंणदु छो कि प्रधान याजक ल यीशु तैं जलन खोरि मा पकड़वे छो।

याकूब 4:5

तुम क्य समझदियां, कि पिता परमेश्वर कु वचन क्य बुल्दो? “जै पवित्र आत्मा तैं वेल हमारा भितर बसयूँ च” इलै पिता परमेश्वर चांदु च कि हम वेकी ही आराधना कैरा।

खास चेलों 7:9

अर कुलपतियों ल अपड़ा भैय यूसुफ बट्टी जलन कैरी कै वे तैं मिस्र देश जांण वलो का हथ बेचि दींनि; पर परमेश्वर वे दगड़ी छो।

खास चेलों 17:6

पर ऊं तैं नि पै कै, त यासोन अर कुछ विश्वासी भयों तैं शहर का अधिकारी का संमणी खींचि के लैनी। अर ऊंल चिलै के बोलि, “यु लोग जौं ल हरेक जगह परेशानी फैलै दींनि इख भि अयां छिनी,

खास चेलों 17:9

इलै ही ऊंल यासोन अर बकि लुखुं बट्टी डांड ले के ऊं तैं छोड़ी दींनि।

2 कुरिन्थि 11:26

मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;

1 थिस्सलुनीकी 1:6

तुम पर भौत क्लेश छा पर तुम ल पवित्र आत्मा का द्वारा दीं खुशी का दगड़ी शुभ संदेश तैं स्वीकार कैरी अर तुम ल प्रभु अर हमारो एक उदाहरण का रूप मा अनुसरण कैरी।