खास चेलों 17:12 - गढवली नयो नियम

¹² इलै ऊंमा बट्टी भौतों ल, अर मुख्य यूनानी जननों मा बट्टी अर आदिमों मा बट्टी भि भौतों ल विश्वास कैरी।

Garhwali

¹² इलै ऊं लोगु मा बटि भौत सा यहूदी लोगु न, अर खास-खास यूनानी जनानियों न, अर बैखों न भि ऊंकी बातों पर बिस्वास कैरी।

खास चेलों 17:12 Referans Kwoze

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

खास चेलों 13:50

पर यहूदियों का अगुवों ल ऊंची कुल की भक्त जननों तैं अर शहर का खास आदिमों तैं भड़कै। अर पौलुस अर बरनबास का खिलाफ जुल्म किये के ऊं तैं अपड़ा इलाका बट्टी भैर निकाली दींनि।

1 कुरिन्थि 1:26

हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।

खास चेलों 14:1

इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

याकूब 1:21

इलै मनों को सैरो मैल अर बैर-भाव की बढ़ती तैं दूर कैरी कै, वे पिता परमेश्वर का वचन तैं नम्रता ल स्वीकार कैरी ल्या, जु तुमारा मन मा डलै गै, उ ही तुमारा आत्मा तैं बचै सकदो।

याकूब 1:10

अर जु धनवान च ऊं तैं भि खुश हूंण चयणु च की पिता परमेश्वर नम्र बणै; किलैकि वेकी अमीरी जंगल की घास का फूलों का जन सूखि जाली।

खास चेलों 13:46

तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

मरकुस 15:43

अरिमतियाह शहर कु रांण वलो एक आदिम जैकु नौं यूसुफ छो यु उखै कि महासभा कु सम्मनित सदस्य छो अर यु भि ऊंमा बट्टी एक छो जु चांदा छा की जल्द ही परमेश्वर कु राज्य औ, उ बगैर कि डौर से पिलातुस मा गै अर यीशु का देह तैं सूली बट्टी मुड़ी निकलणु कु अर खडयोण की अनुमति मांगि।

खास चेलों 2:47

अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।