खास चेलों 16:13 - गढवली नयो नियम

¹³ यहूदियों को विश्राम को दिन हम नगर का द्वार का भैर गाड का छाला यु समझी के ग्यां कि इख यहूदियों कु प्रार्थना की जगह हवेलि। अर बैठी कै ऊं जननियों बट्टी जु कट्ठा हवे छा बात कन लगि गैनी।

Garhwali

¹³ अर सब्त का दिन पर हम लोग नगर का गेट से भैर गाडा का छाला पर ग्यां। अर हमतै इन लगि कि इख प्रार्थना करण की कुई जगा ह्‍वेलि, अर उख कुछ जनानियां इकट्‍ठा होईं छै अर हम ऊंका दगड़ा मा बात-चित करण लगि ग्यां।

खास चेलों 16:13 Referans Kwoze

खास चेलों 13:14

अर पिरगा शहर बट्टी अगनैं बढ़ि के गलातिया प्रान्त का पिसिदिया जिला का नजदीक अन्ताकिया शहर मा पौछिनी; अर यहूदियों को विश्राम को दिन यहूदियों का मिलणा का भवन मा जै के बैठी गैनी।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

खास चेलों 21:5

सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।

खास चेलों 20:7

हप्ता का पैला दिन जब हम प्रभु भोज कु कट्ठा हुयां त पौलुस ल जु दुसरा दिन जांण वलो छो, ऊं बट्टी बात कैरी, अर अधा राती तक शिक्षा दींणु रै।

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

खास चेलों 17:2

अर पौलुस अपड़ी रीति का अनुसार यहूदियों का मिलणा का भवन मा गै अर तीन यहूदियों को विश्रामदिन तक परमेश्वर का वचन बट्टी ऊं दगड़ी बातचित कैरी।

खास चेलों 16:6

अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।

खास चेलों 13:42

जब पौलुस अर बरनबास मन्दिर बट्टी निकलणा छा, तब लोग ऊं बट्टी बिनती कन लगिनि, कि हैंका यहूदियों को विश्राम को दिन हम तैं यु बात फिर सुणये जौं।

यूहन्ना 8:2

अर हैंकि सुबेर उ यरूशलेम शहर का मन्दिर का चौक मा वापिस ऐ अर भौत सैरा लोग वेका संमणी ऐनी अर उ बैठी गै अर ऊं तैं शिक्षा दींण लगि गै।

लूका 13:10

यहूदियों का विश्राम का दिन जु परमेश्वर कु पवित्र दिन च यीशु एक यहूदियों का मिलणा का भवन मा उपदेश दींणु छो।

मरकुस 16:15

तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।”

मत्ती 13:2

अर वेका संमणी इथग बड़ी भीड़ जमा हवे गै कि यीशु एक नाव पर चढ़ी के बैठी गै अर सैरी भीड़ झील का छाला पर खड़ी रै।

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

खास चेलों 16:16

एक दिन जब हम पिता परमेश्वर बट्टी प्रार्थना कने जगह मा जांणा छा त हम तैं एक दासी मिली, जैं पर एक इन दुष्टात्मा छै, जै की मदद ल उ भविष्य प्रकट कैर दींदी छै, अर इन कै व अपड़ा स्वामियों कु भौत कुछ कमै कै लांदी छै।