खास चेलों 15:37 - गढवली नयो नियम

³⁷ तब बरनबास ल यूहन्ना तैं जु मरकुस भि बुलै जांदु छो दगड़ा मा लिजांणु विचार कैरी।

Garhwali

³⁷ अर बरनबास इन चान्दु छौ, कि यूहन्‍ना जै खुणि मरकुस बुल्दिन वेतैं दगड़ा लि जौ।

खास चेलों 15:37 Referans Kwoze

खास चेलों 12:12

अर यु जांणि के कि पिता परमेश्वर ल वे तैं बचैयले, पतरस वे यूहन्ना का, जैको नौं मरकुस भि छो, की ब्वे मरियम का घौर भि ऐ, उख भौत सा विश्वासी कठ्ठा हवे कर प्रार्थना कना छा।

फिलेमोन 1:24

अर मरकुस, अरिस्‍तर्खुस, देमास अर लूका मि दगड़ी प्रभु को काम करदींनि; यूं सभियूं कु मि प्रणाम बुल्णु छों।

2 तीमुथियुस 4:11

भस लूका मि दगड़ी च, अर जब तु औ त अफ दगड़ी मरकुस तैं भि ले के ऐ, किलैकि सेवा का काम मा उ मेरू भौत मददगार च।

कुलुसी 4:10

अरिस्‍तर्खुस जु मि दगड़ी जेलखना मा कैद च, अर मरकुस जु बरनबास कु भंणजो लगदो तुम कु प्रणाम बुल्णु च। जैका बारा मा तुम तैं पैली बट्टी ही मालूम च, कि जु उ तुम मा औ त वे दगड़ी अच्छो बरतौ करयां।

खास चेलों 13:5

अर सलमीस शहर मा पौंछि के, पिता परमेश्वर का वचन यहूदियों का मिलणा का भवन मा जै के सुनांण लगि गै; अर यूहन्ना मरकुस वेकी मदद कनु कु वे दगड़ी छा।

खास चेलों 12:25

यहूदिया प्रदेश मा यहूदी विश्वासियों की मदद कनु कु पैसा दींण का बाद, बरनबास अर शाऊल यरूशलेम शहर बट्टी अन्ताकिया शहर कु लौटि ऐनी, अर यूहन्ना जैको नौं मरकुस भि छो ऊं दगड़ी छो।

खास चेलों 13:13

पौलुस अर वेका दगड़िया पाफुस शहर बट्टी समुद्री जहाज मा यात्रा शुरू कैरी, अर पंफूलिया प्रदेश का पिरगा शहर मा जै के पौंछि गैनी; अर यूहन्ना मरकुस ऊं तैं छोड़ी के यरूशलेम शहर कु वापिस ऐ गै।

खास चेलों 15:39

ऊंका बीच इथग बड़ो घपरौल हवे कि पौलुस अर बरनबास एक दुसरा बट्टी अलग हवे गै; अर बरनबास, मरकुस तैं ले के जहाज मा साइप्रस द्वीप कु चलि गै।

1 पतरस 5:13

बाबेल शहर जु रोम मा च उख विश्वासी तुम तैं प्रणाम बुल्णा छिनी, जौं तैं पिता परमेश्वर ल चुणि जन मसीह ल तुम तैं चुणि। मरकुस, जु मि कु एक नौंना जन च, उ भि तुम तैं प्रणाम बुल्णु च।