खास चेलों 15:10 - गढवली नयो नियम

¹⁰ त फिर, अब तुम किलै परमेश्वर तैं गुस्सा दिलांण छा अर अन्यजाति विश्वासी चेला लुखुं तैं मूसा की व्यवस्था को पालन कनु को भार डलणा छा। जैको पालन हम अर हमारा पूर्वज भि नि कैर सकिनि।

Garhwali

¹⁰ त अब तुम ऊं बिस्वासी लोगु का मथि एक गरु जुवा जन बोझ रखी के परमेस्वर तैं किलै अजमौणा छाँ, अर वु बोझ नऽ त हम लोग न अर ना ही हमरा पितरों न उठे सैकी।

खास चेलों 15:10 Referans Kwoze

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

मत्ती 23:4

उ सब प्रकार का कानूनों तैं बतौंदा छिन जु मन मा लुखुं कु कठिन च उ लुखुं बट्टी जबरदस्ती ऊं नियमों कु पालन करवंदा छिन पर उ अफ वे तैं नि मणदींनि अर अफ वे तैं अपड़ी अंगुली बट्टी भि नि सरकौंण चंदींनि।

गलातियों 4:9

पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

इब्रानी 9:9

यु सभि चीज बसयूं बातों तैं बतौंदी जु कि अब मसीह का कारण पूरी हूंणी च; किलैकि उ सभि भेंट अर बलिदान जु ऊं लुखुं का द्वारा पिता परमेश्वर तैं चढै जांदी छै जु वेकी आराधना करदा छा अर भक्त छा, उ लुखुं का मनों अर दिलों तैं शुद्ध कना का लैक नि छै।

इब्रानी 3:9

उख ऊं पुरणों ल मेरा सब्र की अजमैश कैरी अर मि तैं परखि, अर जब की ऊंल चालीस सालों तक मेरा चमत्कारों तैं देखि छो।

मत्ती 4:7

यीशु ल वेमा बोलि, “परमेश्वर का वचन मा यु भि लिख्युं च कि तु प्रभु अपड़ा परमेश्वर की अजमैश नि कैर।”

खास चेलों 5:9

पतरस ल वीं मा बोलि, “या क्य बात च कि तुम दुयूं ल प्रभु कि आत्मा कि अजमैश कु एक मनसा कैरी? देख तेरु आदिम का दफनौंण वला द्वार पर ही खड़ा छिन अर अब उ त्वे तैं भि भैर ली जाला।”