खास चेलों 14:23 - गढवली नयो नियम

²³ अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।

Garhwali

²³ अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

खास चेलों 14:23 Referans Kwoze

तीतुस 1:5

मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।

खास चेलों 11:30

ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।

याकूब 5:14

जु तुम मा बट्टी कुई बिमार च, त उ मण्डलि का पुरणा अगुवों तैं बुलौ, अर वे पर जैतून को तेल मळी के प्रभु का नौं से वेकु प्रार्थना कैरो।

2 तीमुथियुस 2:2

अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

1 तीमुथियुस 5:22

कै पर जल्दी हथ रखि के, वे तैं अध्यक्ष नियुक्त नि कैर, अर जु तु इन करदी त वेका पापों मा जिम्मेदार बणदी; अर अनुचित बातों मा अफ तैं दूर रख।

खास चेलों 20:17

जब हम मीलेतुस शहर मा उतरियां, तब पौलुस ल इफिसुस शहर की मण्डलि तैं पुरणा अगुवों कु संदेश भिजवै। अर तब वेल मण्डलि का पुरणों तैं बुलै।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।

2 यूहन्ना 1:1

मि यूहन्ना, मंडलि का पुरणा अगुवा यु चिठ्ठी वीं जनन अर वीं का नौंना कु लिखणु छो, जै तैं पिता परमेश्वर ल चुणि। मि सच मा तुम बट्टी प्रेम रखदु छो, अर भस मि ही न; बल्कि उ सब भि तुम बट्टी प्रेम रखद, जु पिता परमेश्वर की सचै पर विश्वास रखदा छिनी।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

1 तीमुथियुस 5:1

अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।

खास चेलों 15:6

तब प्रेरित अर पुरणा अगुवों ल ईं बात का बारा मा विचार कनु कु कट्ठा हवीनि।

खास चेलों 15:4

जब यरूशलेम शहर मा पौंछिनी त मण्डलि अर प्रेरित अर पुरणा अगुवों ल ऊं तैं खुशी से मिलणै अर पौलुस अर बरनबास ल बतै की पिता परमेश्वर ल ऊं दगड़ी रै के कन-कन काम कैरी छा।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

खास चेलों 15:23

अर ऊंल यु चिठ्ठी तैं वेका दगड़ी भेजि “अन्ताकिया शहर, सीरिया अर किलिकिया प्रान्तों मा अन्यजाति विश्वासी भयों कु कि प्रेरितों अर पुरणा अगुवा भयों की तरपां बट्टी प्रणाम!

खास चेलों 14:26

अर उख बट्टी उ समुद्री जहाज पर बैठी के सीरिया प्रदेश का अन्ताकिया शहर वापिस ऐनी, जख बट्टी ऊं तैं पिता परमेश्वर की कृपा मा सौंपी के वे काम कु भिजै गै छो जै तैं उ अब पूरो कैरी के वापिस ऐ छा।

लूका 23:46

अर यीशु ल जोर से धै लगै के बोलि, “हे बुबा मि अपड़ी आत्मा तेरा हथ मा सौंपणु छौं अर इन बोलि, कै तब यीशु ल प्राण छोड़ी द्ये।”

मरकुस 3:14

तब यीशु ल ऊं बट्टी बारह लुखुं तैं छांटी अर ऊं तैं प्रेरितों बोलि कि उ वेका दगड़ी रौनु अर उ, ऊं तैं भेजु कि उ प्रचार कैरा।

लूका 2:37

व चौरासी बरसों बट्टी विधवा छै अर यरूशलेम शहर का मन्दिर तैं कभि नि छोड़िदि छै पर आराधना अर परमेश्वर बट्टी प्रार्थना कैरी कै रात दिन आराधना करदी छै।

खास चेलों 1:24

अर या पिता परमेश्वर बट्टी प्रार्थना कैरी, “हे प्रभु तु जु सभियूं का मन तैं जंणदी छै इन प्रगट कैर कि यूं द्वीयूँ मा बट्टी तेरु कु चुणयूं।”

2 कुरिन्थि 8:19

अर इथग ही न, पर उ मण्डलि का लुखुं का द्वारा ठैरे भि गै कि यु दान का काम कु हम दगड़ी जौं अर यरूशलेम शहर मा विश्वासियों कु लिए जांणा वला दान की सेवा इलै करदा, कि प्रभु की महिमा अर यु दिखांणु कु कि हम यरूशलेम शहर मा विश्वासियों की मदद कनु कु उत्सुक छा।

मत्ती 17:21

पर य जाति बगैर परमेश्वर बट्टी प्रार्थना अर बगैर उपवास का नि निकली सकदी।