खास चेलों 14:1 - गढवली नयो नियम

¹ इकुनियुम शहर मा इन हवे कि पौलुस अर बरनबास यहूदियों का मिलणा का भवन मा दगड़ी-दगड़ी गैनी, अर प्रभाव डाली के बातें करिनि, कि भौत सैरा यहूदी अर यूनानी अन्यजाति लुखुं ल विश्वास कैरी।

Garhwali

¹ अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 14:1 Referans Kwoze

खास चेलों 18:4

अर पौलुस हरेक यहूदियों को विश्राम को दिन यहूदियों का मिलणा का भवन मा वाद-विवाद कैरी के यहूदियों अर अन्यजाति (यूनानियों) तैं भि यीशु मसीह पर विश्वास कनु कु समझांदु छो।

खास चेलों 13:51

तब पौलुस अर बरनबास ल ऊंका संमणी खुट्टों की धूल उखि झाड़ी दींनि, ऊं तैं यु दिखांणु कु कि पिता परमेश्वर ल ऊं तैं अस्वीकार कैरेले छो अर ऊं तैं दंड दयालो; फिर उ इकुनियुम शहर कु चलि गैनी।

खास चेलों 13:46

तब पौलुस अर बरनबास ल निडर हवे के बोलि, “जरूरी छो, कि पिता परमेश्वर को वचन पैली तुम तैं सुणये जांदु; किलैकि जब तुम वे तैं मना कैरी दींद, अर अफ तैं अनन्त जीवन का योग्य नि ठैरांदा, त अब, हम अन्यजाति लुखुं मा जौला।”

खास चेलों 14:21

वेका बाद पौलुस अर बरनबास वे शहर का लुखुं तैं शुभ सन्देश प्रचार सुणै के, अर भौत चेला बणैंनि; यांका बाद पौलुस अर बरनबास अपड़ा रस्ता लौटण लगि गैनी; उ फिर लुस्त्रा शहर गैनी, अर उ फिर उख बट्टी इकुनियुम शहर कु गैनी, अर फिर उ पिसिदिया प्रदेश का अन्ताकिया शहर कु गैनी।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

रोमियों 10:12

यहूदियों अर यूनानी अन्यजाति लुखुं मा कुई फर्क नि च, इलै की पिता परमेश्वर ऊं सभियूं कु प्रभु च; अर जु वे बट्टी प्रार्थना करदींनि ऊंकु दयालु भि च।

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

खास चेलों 19:17

अर ई बात इफिसुस शहर का रांण वला सभि यहूदी अर अन्यजाति (यूनानियों) भि जांणि गैनी अर ऊं सभियूं पर डौर छै गै अर यीशु का नौं की बढ़ै कैरी।

खास चेलों 19:8

अर तब पौलुस यहूदियों का मिलणा का भवन मा जै के तीन महीना तक निडर हवे के बुल्दी रै अर परमेश्वर का राज्य का बारा मा बातचित कनु रै अर यकीन दिलौंण की कोशिश कनु रै।

खास चेलों 18:8

तब यहूदियों का मिलणा का भवन को सरदार क्रिस्पुस ल अपड़ी सैरी कुटुम्दारी समेत प्रभु पर विश्वास कैरी; अर भौत सैरा कुरिन्थ शहर मा रांण वला सूंणि कै विश्वास कन लगि गैनी अर तब ऊंल बपतिस्मा लींनि।

खास चेलों 17:12

इलै ऊंमा बट्टी भौतों ल, अर मुख्य यूनानी जननों मा बट्टी अर आदिमों मा बट्टी भि भौतों ल विश्वास कैरी।

खास चेलों 17:4

कुछ यहूदियों ल, अर परमेश्वर कु डौर मनणवला भौत सैरा अन्यजाति (यूनानियों) लुखुं अर भक्त मुख्य जननियों ल जु बात सूंणि छै वे पर विश्वास कैरी, अर पौलुस अर सिलास का दगड़ी मिली गैनी।

खास चेलों 13:43

अर जब यहूदियों का मिलणा का भवन मा बट्टी यहूदी सभा उठि गै त यहूदियों अर यहूदी मत मा बदलियां अन्यजाति भक्तों मा बट्टी बहुत सा पौलुस अर बरनबास का पिछनै हवे गैनी; अर ऊंल पौलुस अर बरनबास बट्टी बात कैरी के समझै, कि पिता परमेश्वर की कृपा मा बणयां रा।

खास चेलों 11:21

अर प्रभु को सामर्थ ऊं पर छो, अर भौत स अन्यजाति लुखुं ल ऊं की खबर पर विश्वास कैरी अर प्रभु यीशु तैं स्वीकार कैरी।

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

खास चेलों 21:28

“हे इस्राएलियों हमारी मदद कैरा। किलैकि यु उ ही आदिम च जु सभि जगह हमारा लुखुं का खिलाफ मा तैं अर व्यवस्था का खिलाफ मा अर ईं जगह का विरोध मा सिखाणु च, इख तक कि अन्यजाति (यूनानियों) तैं भि यरूशलेम शहर का मन्दिर मा लै के वेल यु पवित्र जगह तैं अपवित्र कैरी।”

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

खास चेलों 17:17

इलै पौलुस यहूदियों का मिलणा का भवन मा यहूदियों अर परमेश्वर कु भय मनणवला अन्यजाति भक्तों बट्टी अर चौक (बजार) मा जु आंण-जांणवला लोग वे बट्टी मिल्दा छा। अर ऊं बट्टी हर दिन वाद-विवाद कनु रांदो छो।

खास चेलों 16:1

फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो।

खास चेलों 14:2

पर जूं यहूदी लुखुं ल विश्वास न बट्टी मना कैर दींनि अर अन्यजाति लुखुं का मन विश्वासी भयों का खिलाफ भड़कै, अर बड़ी नफरत पैदा कैरी दींनि।

खास चेलों 13:5

अर सलमीस शहर मा पौंछि के, पिता परमेश्वर का वचन यहूदियों का मिलणा का भवन मा जै के सुनांण लगि गै; अर यूहन्ना मरकुस वेकी मदद कनु कु वे दगड़ी छा।

यूहन्ना 12:20

उख कुछ अन्यजाति यूनानी छा जु फसह का त्यौहार का दौरान आराधना कनु कु यरूशलेम मा ऐ छा

यूहन्ना 7:35

यहूदियों का अगुवों ल आपस मा, “बोलि यु कख जालो कि हम यु तैं नि पौला? क्य उ, ऊं यहूदी लुखुं का बारा मा बुल्दो छो अर क्य अन्यजाति छा जु इस्राएल भैर बिखरी के रौंदा छा अर यूनानी छा क्य उ तैं भि उपदेश दयालो?

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

गलातियों 2:3

तब भि कैल मेरा दगड़िया तीतुस, जु एक यूनानी अन्यजाति कु छो, वेको खतना कभी नि हवे फिर भि पर यरूशलेम शहर की मण्डलि का अगुवों ल वे तैं स्वीकार कैरी। अर ऊंल खतना कनु कु वे पर कुई दबाव नि डाली।

खास चेलों 19:10

द्वी बरसों तक इन ही हूंणु रै इलै इख तक कि एशिया प्रदेश का रांण वला चै उ यहूदी छा, चै अन्यजाति (यूनानियों) का छा सभियूं ल प्रभु कु वचन सूंणि।

मरकुस 7:26

या यूनानी जनन छै, अर सीरिया प्रान्त का फेनिशिया मा पैदा हवे छै वीं ल वे बट्टी बिनती कैरी कि मेरी नौंनि बट्टी दुष्टात्मा निकाली दे।

खास चेलों 2:47

अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

खास चेलों 14:19

पर कथग ही यहूदियों ल अन्ताकिया अर इकुनियुम शहरों बट्टी ऐ के लुखुं तैं अपड़ी तरपां कैरी दींनि, अर पौलुस पर ढुगलयो कैरी, अर मुरयूं समझी के वे तैं शहर का भैर घसीट के ली गैनी।

खास चेलों 16:2

उ लुस्त्रा शहर अर इकुनियुम का विश्वासी भयों मा सुनाम छो।

2 तीमुथियुस 3:11

अर लुखुं ल मि तैं सतै, ज्यांका कारण मिल भौत दुःख उठै, तुम तैं पता च कि अन्ताकिया इकुनियुम अर लुस्त्रा नगरों मा मि पर कन-कन जुल्म हवीनि, फिर भि ऊं सभियूं मा प्रभु ल मि तैं निकाली।