खास चेलों 13:27 - गढवली नयो नियम

²⁷ यरूशलेम शहर का लुखुं ल अर ऊंका अगुवों ल यीशु मसीह तैं नि पछयांणी अर ऊंल पिता परमेश्वर का तरपां बट्टी बुल्ण वला लुखुं का ऊं वचनों तैं नि समझी जौं तैं उ हर यहूदियों को विश्राम को दिन पढ़दा छा; इलै ऊंल बोलि यीशु मौत का लैक च अर इन कै पिता परमेश्वर का तरपां बट्टी बुल्ण वला लुखुं का वचनों तैं पूरो कैरी।

Garhwali

²⁷ किलैकि नऽ त यरूशलेम नगर का लोग अर ना ही अधिकारी लोग यू पछ्याण सकिनी, कि यीशु ही छुटकारु देण वळु च। अर रैबर्यों का वु वचन जु की हरेक सब्त का दिन पर पढै जान्दा छा ऊंतैं भि वु समझि नि सकिनी, फिर भि यीशु तैं दोषी ठैरै के ऊंन सब भविष्यबाणियों तैं पूरु कैर दिनी।

खास चेलों 13:27 Referans Kwoze

खास चेलों 3:17

और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

खास चेलों 15:21

किलैकि मूसा की ईं व्यवस्था को प्रचार कन वला लोग पुरणा बगत बट्टी शहर-शहर मा पये जंदींनि अर उ हर यहूदियों को विश्राम को दिन यहूदियों का मिलणा का भवन मा पढ़ै जांदी छै।

लूका 24:20

अर प्रधान याजक ल अर हमारा मुखियों वे तैं पकड़वे दींनि कि वे तैं मौत कि सजा दिये जौं अर सूली पर चढ़ै दींनि।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

2 कुरिन्थि 3:14

पर इस्राएल का लुखुं का मन ढीट हवे गै छा, किलैकि आज तक पुरणी वाचा तैं पढ़दी बगत ऊंका मन पर उ ही परदा पुड़यूँ रौंद; पर जब उ मसीह पर विश्वास करदींनि, पर तब ही परदा हटद।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

यूहन्ना 15:21

पर यु सब लोग ये कारण तुम दगड़ी करला किलैकि तुम मेरा चेला छा अर उ मेरा भिजण वला परमेश्वर तैं नि जंणदु।

1 तीमुथियुस 1:13

प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।

यूहन्ना 16:3

इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

यूहन्ना 8:28

तब यीशु ल बोलि, जब तुम, मि मनिख का नौंना तैं ऊँचा पर चड़ैल्या तब जणिल्या कि मि ऊई छौं अर उ जणिल्या की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी या मि अपड़ा तरपां बट्टी नि बुल्द पर जन मेरू बुबा ल मि तैं सिखै उन ही यूं बातों तैं बुल्द छों।

लूका 22:34

यीशु ल वेकु बोलि, “हे पतरस मि त्वे कु बुल्णु छौं, कि आज ही राती मैर का बंसण से पैली तिल तीन बार मुकरी जांण, की मि वे तैं नि जंणदो।”

मत्ती 22:29

यीशु ल ऊंकु बोलि, “तुम परमेश्वर का वचन की सामर्थ तैं नि जंणदा क्य तुम इलै भूल मा नि पुड़यां छा।

लूका 23:13

पिलातुस प्रधान याजक ल ऊं कु बोलि, “क्य तुम चदयां कि मि तुम कु यहूदियों का राजा तैं छोड़ी द्यों”

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च