खास चेलों 13:25 - गढवली नयो नियम

²⁵ अर जब यूहन्ना अपड़ी सेवा पूरी कन पर छो, त वेल बोलि, “तुम कि सुचदियां की मि कु छो? मि मसीह नि छो; पर देखा, जु मेरा बाद एक आंण वलो च, उ मि बट्टी भौत जादा महान च अर मि यु योग्य भि नि छो कि वेका जुत्ता का तस्मों तैं खोल साको।”

Garhwali

²⁵ अर जब यूहन्‍ना का काम को बगत पूरु होण वळु छौ त वेन लोगु तैं पूछी, ‘बता तुमतै क्या लगदु, कि मि कु छौं? मि वु मसीह नि छौं। मगर सुणा, मेरा बाद एक औण वळु च, अर मि इथगा लैख भि नि छौं, कि वेका जुतों का तसमा भि खोली सैकु।’

खास चेलों 13:25 Referans Kwoze

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

मरकुस 1:7

अर यु प्रचार करदो छो, “कि मेरा बाद उ औंण वलो च, जु मि से भि जादा महान अर शक्तिशाली च मि त यु लैख भि नि छौं कि वेको दास बंणि के झुकि के वेका जुतों का तंणखा खोलु।

खास चेलों 20:24

पर मि अपड़ा प्राण तैं कुछ नि समझदु कि वे तैं प्रिय जांणु, बल्कि यु कि मि अपड़ी दौड़ तैं, चांदु छो कि मि अपड़ी वीं सेवा तैं पूरी कैरू, जु मिल पिता परमेश्वर की दया का शुभ सन्देश पर गव्है दींणु कु जु मिल प्रभु यीशु बट्टी पैईं च।

दिब्य दरस 11:7

जब द्वी गवाह पिता परमेश्वर का संदेश कु प्रचार कैरी दयाला, त उ खतरनाक जानवर जु अथाह कुण्ड मा बट्टी निकललो, उ, ऊं द्वीयूँ दगड़ी लड़लो, ऊं तैं हरालो अर ऊं तैं मारि दयालो।

2 तीमुथियुस 4:7

जन एक अच्छो योद्धा लड़ै मा हार नि मणद उन ही मि भि प्रभु कु बड़ी मेहनत कन नि छुड़द। मिल मसीह को दियूं काम पूरो कैरी, मि प्रभु मा आखिर तक विश्वासयोग्य रों।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

खास चेलों 19:4

पौलुस ल बोलि, “यूहन्ना ल ऊं लुखुं तैं बपतिस्मा द्ये जैल पाप कन बंद कैर द्ये अर परमेश्वर की तरपां मुड़ी गैनी, पर वेल इस्राएल का लुखुं बट्टी बोलि, कि ऊं यीशु पर विश्वास कैरा जु वेका बाद आलो।”

खास चेलों 13:36

दाऊद राजा त पिता परमेश्वर की इच्छा का अनुसार अपड़ा बगत मा सेवा कैरी के मोरि गै, अर अपड़ा पुरणों का दगड़ी खडै गै, अर वेकी देह सैड़ी भि गै। यां बट्टी हम जणदां कि दाऊद राजा यु भजन मा अपड़ा बारा मा बात नि कनु च।

यूहन्ना 7:18

जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

यूहन्ना 1:36

अर यूहन्ना ल ऊं चेलों मा यीशु तैं जांण देखि के बोलि, देखा यु परमेश्वर कु चिनखो च।

यूहन्ना 1:34

अर मिल देखि अर मि तुम मा सच बुल्णु छो कि “यु परमेश्वर कु नौंनो च।”

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।