खास चेलों 12:7 - गढवली नयो नियम

⁷ तब अचानक प्रभु को एक स्वर्गदूत पतरस का संमणी उख ऐ, अर वे कोठरी मा उज्यालो हवे गै; फिर स्वर्गदूत ल पतरस तैं निंद मा हिलै के उठै अर बोलि, “जल्दी उठ।” अर जन ही पतरस निंद बट्टी जागि, अर वेकी हथों की जंजीर खुली के धरती पर लमडी गै।

Garhwali

⁷ तबरि वीं कुठड़ी मा एक स्वर्गदूत उख खड़ु ह्‍वे, अर एक बड़ु उज्याळु चमकी। अर ये स्वर्गदूत न पतरस पर हाथ लगै के वेतैं निन्द बटि बिंजाळी। तब स्वर्गदूत न वेकू बोलि, “पतरस उठ, चल जल्दी कैर।” अर संगुळा वेका हाथों बटि अफि खुलि के भ्वीं पोड़ि गैनी।

खास चेलों 12:7 Referans Kwoze

खास चेलों 5:19

पर राती प्रभु का एक स्वर्गदूत ल जेलखना का द्वार खोलि के ऊं तैं भैर लै के ऊंमा बोलि

खास चेलों 16:26

त इथग मा अचानक बड़ो भ्वींचलु हवे, इख तक कि जेल कि बुनियाद हिली गै, अर चम सभि द्वार खुली गैनी; अर सभियूं का बन्दखण भि खुली गैनी।

खास चेलों 10:30

तब कुरनेलियुस ल बोलि, “आज बट्टी चार दिन पैली यु ही बगत, जब मि अपड़ा घौर मा दोपहरा मा तीन बजी प्रार्थना कनु छो, तब एक चमकिला कपड़ा पैरयूं आदिम मेरा संमणी ऐ”

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

लूका 24:4

जब उ इन बात बट्टी भौचक्‍की हूंणा छा त देखा, द्वी आदिम सफेद कपड़ा पैरियां खड़ा छा।

लूका 2:9

अर प्रभु को एक स्वर्गदूत ऊंका संमणी खड़ो हवे अर प्रभु को महिमा को उज्ज्वल ऊंका चौतरफी चमकी अर तब उ भौत डैरी गैनी।

खास चेलों 12:23

वे ही बगत पिता परमेश्वर का एक स्वर्गदूत ल वे तैं घायल कैरी, किलैकि वेल पिता परमेश्वर की महिमा नि कैरी; वेकी देह मा कीड़ा पुड़ीनि अर उ मोरि गैनी।

खास चेलों 9:3

जब शाऊल यरूशलेम शहर बट्टी दमिश्क शहर का नजदीक पौंछि, तब अचानक स्वर्ग बट्टी एक उज्यलो वेका चौतरफ चमकी।

दिब्य दरस 18:1

यांका बाद, मिल स्वर्ग बट्टी एक और स्वर्गदूत तैं मूड़ी औंद देखि। वेमा बड़ो अधिकार छो अर वेकी महिमा की चमक का कारण सैरी धरती प्रकाशित हवे गै।

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

खास चेलों 12:6

अर जब हेरोदेस राजा, पतरस तैं लुखुं का संमणी लांण वलो छो, वेका पैली रात पतरस जंजीरों बट्टी बंधयूं, अर द्वी सिपैयूं का बीच मा पुडयूं छो अर चौकीदार द्वार पर जेल की रखवली कना छा।

मत्ती 2:13

ऊंका जांणा का बाद प्रभु का एक स्वर्गदूत ल यूसुफ का सुपन्या मा ऐ के बोलि, “उठ वे बच्चा तैं अर वेकी ब्वे तैं ले के मिस्र देश कु भागि जा, अर जब तक मि त्वे मा नि बोलु तब तक उखि रै किलैकि राजा हेरोदेस यु बच्चा तैं ढुंडणु च कि वे तैं मरवै द्यो।”

खास चेलों 12:8

अर स्वर्गदूत ल पतरस बट्टी बोलि, “अपड़ो कमर बाँध के जुत्ता पैरी।” अर वेल उन ही कैरी, फिर स्वर्गदूत ल वे बट्टी बोलि, “अपड़ो कुर्ता पैरी के मेरा पिछनै हो ले।”