खास चेलों 10:4 - गढवली नयो नियम

⁴ कुरनेलियुस ल स्वर्गदूत तैं ध्यान से देखि अर डौरी के बोलि, “हे प्रभु, क्य बात च?” स्वर्गदूत ल बोलि, “पिता परमेश्वर ल तेरी प्रार्थना सूंणेली, अर दान दींण से उ खुश च।

Garhwali

⁴ अर वेन स्वर्गदूत की तरफा ध्यान से देखि अर डौऽरी गै अर बोलि, “यू क्या च श्रीमान,” स्वर्गदूत न वेकू बोलि, “परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

खास चेलों 10:4 Referans Kwoze

फिलिप्पी 4:6

कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

खास चेलों 10:31

अर वेल मि बट्टी बोलि, “हे कुरनेलियुस पिता परमेश्वर ल तेरी प्रार्थना सूंणि येले अर तेरु दान दींण से पिता परमेश्वर खुश च।

दिब्य दरस 8:4

अर स्वर्गदूत का द्वारा जलै धूप बट्टी निकलण वलो धुंआ पिता परमेश्वर बट्टी जुड़यां लुखुं की प्रार्थनाओं का दगड़ी स्वर्गदूत का हाथ बट्टी उठि के मथि पिता परमेश्वर का संमणी उठै।

फिलिप्पी 4:18

मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।

इब्रानी 13:16

पर भलै कन, अर जरूरतमंद लुखुं का दगड़ी बंटण नि भूला जु तुम दगड़ी छिनी; किलैकि पिता परमेश्वर इन बलिदानों बट्टी खुश हूंद।

लूका 1:29

जब वेल वेका वचनों तैं सूंणि त उ भौत घबरै गै अर सुचण लगि गै कि ये अभिवादन कु मतलब क्य च?

मत्ती 26:13

मि तुम मा सच बुल्णु छौं कि जख कखि भि शुभ सन्देश प्रचार करे जालो उख ये कामों को भि जिक्र होलो जु ईंल मि दगड़ी कैरी अर लोग ईं बात तैं याद रखला।”

खास चेलों 22:10

तब मिल बोलि, “हे प्रभु, मिल क्य कन?” प्रभु ल मि कु बोलि, उठ अर दमिश्क शहर मा जा अर जु काम त्वे तैं कनु कु ठैरयूं च उ सब त्वे तैं उखि बतैये जालो।

लूका 24:5

जब उ डौर गैनी अर धरती कि तरपां मुक झुकै कै खड़ी रैनी त ऊंल ऊंकु बोलि, “तुम ज्यूँदो तैं मुर्दों मा किलै खुज्योंण छा?”

खास चेलों 3:4

पतरस अर यूहन्ना ल सीधा वे तैं देखि के बोलि, “हम जनै देख”

खास चेलों 14:9

उ पौलुस की बातों तैं ध्यान से सुनणु छो अर पौलुस वे जने एकटक लगै के देखि कि यु तैं खूब हवे के बची जांणो को पूरो विश्वास च।