खास चेलों 10:35 - गढवली नयो नियम

³⁵ पर हर अन्य-जाति जु पिता परमेश्वर बट्टी डरदु च अर धार्मिकता को काम करदो, पिता परमेश्वर ऊं तैं स्वीकार करद।

Garhwali

³⁵ अर हरेक वु मनखि जु की परमेस्वर पर अपणी पूरि सरदा रखदु अर भलै का काम करदु, अब वु चै कैं भि जाति को किलै नि हो परमेस्वर वे मनखि तैं स्वीकार करदु।

खास चेलों 10:35 Referans Kwoze

1 यूहन्ना 2:29

किलैकि तुम जंणदा छा, कि मसीह धर्मी च, त यु भि जांणि ल्या, कि जु कुई धार्मिकता को काम करदो, उ पिता परमेश्वर कि सन्तान च अर वे बट्टी पैदा हुयुं च।

खास चेलों 10:2

उ अर वेको परिवार धर्मी अर पिता परमेश्वर को भक्त छो, येका अलावा उ यहूदी गरीब आदिमों तैं दान दींदो छो अर हर बगत प्रार्थना मा लग्युं रौंदो छो।

कुलुसी 3:11

इलै अब न त कुई यूनानी अन्यजाति रै, न यहूदि, न खतना कन वलो, अर न उ जै को खतना नि हुयुं हो, न जंगली, न असभ्य, अर न गुलाम, अर न स्वतंत्र, पर मसीह ही सब मा महान च, अर उ अपड़ा सभि लुखुं मा रौंदो।

खास चेलों 15:9

अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।

2 कुरिन्थि 7:1

हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

कुलुसी 1:6

यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

इफिसुस 5:21

अर हम मसीह का प्रति श्रद्धा-भक्ति रखण का कारण एक दुसरा का अधीन रावा।

इफिसुस 1:6

कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 2:13

किलैकि पिता परमेश्वर का इख व्यवस्था कु सुनण वला धर्मी न, पर व्यवस्था पर चलणवला धर्मी ठैरे जाला।

लूका 1:28

अर स्वर्गदूत ल मरियम मा भितर ऐ के बोलि, आनन्द अर जै तेरी हवेलि त्वे पर परमेश्वर ल बहुतायत से आशीर्वाद दियुं च परमेश्वर त्वे दगड़ी च।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

खास चेलों 10:28

अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।

रोमियों 2:14

फिर जब अन्यजाति लोग जौं मा मूसा कि व्यवस्था नि च, उ अपड़ा ही आप वेका आज्ञाओं कु पालन करदींनि, त मूसा की व्यवस्था ऊंमा नि हूंण पर भि उ यु साबित करदींनि कि ऊंका मन मा व्यवस्था च।