खास चेलों 1:14 - गढवली नयो नियम

¹⁴ यु सभि जनन जु उख छै जौं ल यीशु की मदद कैरी छै, अर यीशु की ब्वे मरियम अर यीशु का भैय प्रेरित का दगड़ा अक्सर एकटक पिता परमेश्वर बट्टी प्रार्थना कन मा लगयां छा।

Garhwali

¹⁴ अर यू सभ्या का सभि हमेसा एक जगा मा मिलदा छा अर एक मन ह्‍वेके प्रार्थना करदा छा, अर ऊंका दगड़ा मा यीशु की माँ मरियम अर वेका भै अर कुछ और जनानियां भि छै।

खास चेलों 1:14 Referans Kwoze

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

खास चेलों 6:4

पर हम त पिता परमेश्वर बट्टी प्रार्थना अर वचन कु प्रचार अर शिक्षा दींणु कु लगयां रौल्ला।

कुलुसी 4:2

चौकस हवे के प्रार्थना मा लगयां रावा अर हमेशा पिता परमेश्वर कु धन्यवाद करदी रावा।

खास चेलों 2:42

उ प्रेरितों बट्टी वचन की शिक्षा पांण मा अर संगति रखण मा उ प्रभु भोज मा सहभागी हूंदा छा अर विश्वासी एक दगड़ी अपड़ो खांणु खांदा छा अर पिता परमेश्वर बट्टी प्रार्थना कन मा लौलीन रौंदा छा।

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

लूका 18:1

यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि,

मत्ती 21:22

“अर जु कुछ तुम पिता परमेश्वर बट्टी प्रार्थना विश्वास से मांगिल्या त उ तुम तैं मिललो।”

खास चेलों 2:1

यहूदियों का पिन्तेकुस्त का त्यौहार का दिन, त सभि चेला एक जगह मा कट्ठा हुयां छा।

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

खास चेलों 2:46

उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।

लूका 24:53

अर चेला लगातार यरूशलेम शहर का मन्दिर मा हाजिर हवे कै परमेश्वर की बढ़ै करदां छा।

मत्ती 12:46

जब यीशु भीड़ से बात कना ही छा त वेकी ब्वे अर भैय भैर खड़ा छा अर वे बट्टी बात कन चांणा छा।

लूका 24:10

जौंन बारह प्रेरितों तैं यु बात बतै उ मरियम जु मगदल गौं की छै अर यूहन्ना अर याकूब कि ब्वे मरियम अर ऊंका दगड़ा कि अर जनन भि छै।

लूका 23:55

मरियम जु मगदल गौं की छै अर याकूब अर योसेस कि ब्वे मरियम ऊंका दगड़ा गलील जिला बट्टी ऐ छा पिछनै-पिछनै जै कै वीं कब्र तैं देखि अर इन भि देखि कि ऊंकी लांश कख मा रखिं च।

लूका 23:49

पर ऊंका सब जांण पैछाण अर जु जनन ऊंका दगड़ा गलील जिला बट्टी वेका दगड़ी आयीं छै दूर खड़ी हवे कै जु कुछ भि हवे छो उ सब दिखणी छै।

मरकुस 16:1

हैंका दिन शाम बगत जब यहूदियों का विश्राम का दिन जु परमेश्वर कु पवित्र दिन च अर जु त्योहार कु दिन छो बीति गै त मरियम जु मगदल गौं की छै अर याकूब कि ब्वे मरियम अर सलोमी यूं सभियूं ल खुशबूदार तेल मोल लींनि अर यहूदियों की रीति का अनुसार कि ऐ के यीशु कि लांश पर लगौन।

मरकुस 15:40

कथग ही जनन भि दूर बट्टी दिखणी छै: ऊंमा मरियम जु मगदल गौं की छै अर याकूब अर योसेस कि ब्वे मरियम अर सलोमी छै।

मत्ती 27:55

उख भौत जनन जु गलील जिला बट्टी यीशु की सेवा करदी ऐ छै उ भि दूर बट्टी यु सब दिखणा छा।

लूका 24:33

तब उ बगत उठि के यरूशलेम शहर लौटि गैनी, अर ऊं ग्यारहों चेलों अर ऊंका दगड़ियों कठा देखि।

लूका 8:20

अर वेमा बोलि, “तेरी ब्वे अर तेरा भैय भैर खड़ा छिन अर त्वे बट्टी मिलण चांणा छिन।”

1 कुरिन्थि 14:13

इलै जु अन्य भाषा बुल्दींनि, त उ प्रार्थना कैरा, कि जु उ बुल्दो वेको मतलब समझण का लैके भि हो।