खास चेलों 1:11 - गढवली नयो नियम

¹¹ अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”

Garhwali

¹¹ अर यों न चेलों कू बोलि, “हे गलीली लोगु, तुम किलै खड़ु ह्‍वेके आसमान जनै टक लगै के दिखणा छाँ? यू ही यीशु जु तुमरा पास बटि स्वर्ग मा उठये गै, ठिक इन्‍नि वेन औण भि च जन तुम वेतैं स्वर्ग मा जान्द दिखणा छाँ।”

खास चेलों 1:11 Referans Kwoze

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

1 थिस्सलुनीकी 4:16

किलैकि प्रभु यीशु अफी ही स्वर्ग बट्टी उतरलो; वे बगत ऊंची आवाज, अर प्रधान स्वर्गदूत कु शब्द सुणेलु, अर पिता परमेश्वर को बिगुल गुंजलो, अर वे बगत जु लोग मसीह पर विश्वास कैरी के मोरि गैनी, उ पैली ज्यून्दा हवे उठला।

मरकुस 13:26

तब मि मनिख कु नौंनो बदलो मा दिख्योलू अर बड़ी सामर्थ अर महिमा का दगड़ा आंण दिखयोलू।

यूहन्ना 14:3

मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मत्ती 24:30

मि मनिख कु नौंनो कु चिन्ह आसमान मा दिखै जालो अर तब धरती का सब जाति का लोग अपड़ी छाति पिटला अर मि मनिख कु नौंनो तैं सैरी सामर्थ, सैरी शक्ति अर महिमा का दगड़ा मा आसमान का बादलों पर औंण दिखला।

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

लूका 21:27

तब उ मि मनिख कु नौंनो तैं सामर्थ अर महिमा का दगड़ा बादलों पर औंण दिखला।

खास चेलों 13:31

अर उ ऊं तैं जु वे दगड़ी गलील प्रदेश बट्टी यरूशलेम शहर ऐ छा, भौत दिनों तक अपड़ा शिष्यों तैं दिखै दींणु रै; यु उ ही च जु हम यहूदियूं कु गवाह च।

लूका 24:5

जब उ डौर गैनी अर धरती कि तरपां मुक झुकै कै खड़ी रैनी त ऊंल ऊंकु बोलि, “तुम ज्यूँदो तैं मुर्दों मा किलै खुज्योंण छा?”

खास चेलों 3:12

यु देखि के पतरस ल लुखुं मा बोलि, “हे इस्राएलियों तुम यु मनिख देखि के किलै हकदक हूंणा अर तुम हम जनै इन कै किलै घुरणा छा कि जन हम ल यु तैं अपड़ी सामर्थ या भक्ति से चलण-फिरण लैख बंणै हो?”

खास चेलों 2:7

उ लोग बड़ा हकदक हवे के बुल्ण लगि गैनी “देखा यु जु बुल्णा छिनी क्य यु सभि लोग गलील मा रौंण वला नि छिन?

मरकुस 14:70

पर वेल फिर मना कैरी दींनि जरा देर बाद पतरस का नजीक वला लुखुं ल वेकु बोलि, तु पक्का वेका चेलों मा बट्टी एक छै किलैकि तेरु बुल्ण से पता चलणु च की तु गलीली छै।

मत्ती 16:28

मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”

मरकुस 16:19

जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।

खास चेलों 1:2

पर यांसे पैली की यीशु स्वर्ग मा पिता परमेश्वर का द्वारा उठै जांदु वेल अपड़ा बारह प्रेरितों तैं पवित्र आत्मा का सामर्थ ल आज्ञा द्ये जौं तैं वेल चुणि छो।

खास चेलों 1:9

इन बोलि के देखदी-दिखद पिता परमेश्वर ल यीशु तैं स्वर्ग मा ले लींनि अर एक बादल का कारण उ यीशु तैं और नि देख सकिनि।

खास चेलों 3:21

यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।”

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।