3 यूहन्ना 1:8 - गढवली नयो नियम

⁸ इलै इन लुखुं को अपड़ा घौर मा आदर कन चयणु च, अर जु ऊंकी जरूरत च ऊं तैं द्या, ज्यां बट्टी हम भि हिस्सादार बणा।

Garhwali

⁸ इलै हमरु यू फरज च कि हम सेवक लोगु की मदद कैरा, ताकि हम लोग भि सच्‍चै का काम मा हिस्सेदार बणि सैका।

3 यूहन्ना 1:8 Referans Kwoze

3 यूहन्ना 1:10

इलै जु मि औलु, त मि मंडलि का लुखुं बट्टी खुलि के बुलुलु कि उ कि कनु च। मतलब हम पर बुरा काम कनु को झूठो भंगार लगान्दो; इथग ही न, शुभ संदेश प्रचार कन वला विश्वासी भयों को आदर भि नि करदो अर उ, ऊं तैं मण्डलियों मा बट्टी भि भैर निकली दींद।

फिलेमोन 1:24

अर मरकुस, अरिस्‍तर्खुस, देमास अर लूका मि दगड़ी प्रभु को काम करदींनि; यूं सभियूं कु मि प्रणाम बुल्णु छों।

फिलेमोन 1:2

अर मि अपड़ी विश्वासी बैंण अफफिया अर हमारा विश्वासी भैय अरखिप्पुस, जु एक योद्धा का समान पिता परमेश्वर की सेवा करदो अर वीं मण्डलि की ज्वा तुमारा घौर मा जमा हूंदी ऊंकु भि लिखणु छो।

1 थिस्सलुनीकी 3:2

अर हम ल तीमुथियुस कु जु मसीह का शुभ सन्देश मा हमारो भैय, अर पिता परमेश्वर कु सेवक च, वे तैं तुम मा भेजि, कि उ तुम तैं मजबूत कैरो; अर तुम्हरा विश्वास का बारा मा तुम तैं मदद कैरो।

कुलुसी 4:11

अर यीशु जै कु लोग यूस्तुस बुल्दींनि, तुम कु प्रणाम बुल्णा छिन। यहूदी विश्वासियों जूंको खतना हुयुं च ऊंमा बट्टी भस यु तीन मनिख ही पिता परमेश्वर का राज्य कु मेरा दगड़िया अर मेरू प्रोत्साहन को कारण च।

फिलिप्पी 4:3

हे मेरा सच्चा दगड़िया सुन्तुखे, मि त्वे बट्टी बिनती कनु छौं, कि तु ऊं जननों कि आपस मा मेल-मिलाप कन मा मदद कैर, किलैकि ऊंल मि दगड़ी शुभ सन्देश प्रचार का काम मा, क्लेमेन्स अर मेरा और दगड़ियों दगड़ी भौत मदद कैरी, जौं का नौं जीवन कि किताब मा लिख्यां छिन।

2 कुरिन्थि 8:23

जु कुई तीतुस का बारा मा पूछो, त उ मेरू दगड़िया च, अर तुम कु मेरू सहकर्मी प्रेरित च, अर जु हमारा विश्वासी भयों का बारा मा पूछो, जु उ मण्डलियों तैं भिज्यां छिनी अर ऊंको जीवन मसीह की महिमा कु च।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

लूका 11:7

अर उ भितर बट्टी जवाब द्यो कि मि तैं दुःख नि दे अब त द्वार भि बंद छिन अर मेरा नौंना मेरा संमणी चारपै मा छिन, इलै मि उठि के त्वे तैं नि दे सकदु?

मत्ती 10:40

“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”

मत्ती 10:14

जु कुई तुम तैं स्वीकार नि कैरो अर तुम्हरी बातों तैं नि सुंणौ त वे घौर य वे शहर बट्टी निकली के अपड़ा खुट्टों की धूल उखि झाड़ी दियां।

3 यूहन्ना 1:7

किलैकि उ वे नौं कु निकली छा, अर अविश्वासियों बट्टी कुछ भि मदद नि लींदा छा।

3 यूहन्ना 1:9

मिल पैली भि तुम्हरी मंडलि का विश्वासियों कु एक चिठ्ठी लिखीं छै, पर दियुत्रिफेस मेरा आज्ञाओं तैं मनणु बट्टी इंकार करदु च, किलैकि उ हमेशा बट्टी खुद ही मण्डलि का अगुवा बनण चांदु छो।