3 यूहन्ना 1:4 - गढवली नयो नियम

⁴ जब भि मि यु सुणदु छो कि उ लोग जु मेरा नौंना का जन छिनी, अर उ उन के जीवन ज्यूदींनि, जु सच मा पिता परमेश्वर ल हम तैं बतै, त यां बट्टी मि तैं और भि जादा खुशी मिलदी।

Garhwali

⁴ अर जब मि इन सुणदु, कि मेरा बच्‍चा सच्‍चै का बाटा पर चलणा छिन, त मितैं ईं बात से जादा खुशी और कैं दुसरि बात मा नि मिलदी।

3 यूहन्ना 1:4 Referans Kwoze

गलातियों 4:19

हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।

2 तीमुथियुस 1:2

हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

गलातियों 2:14

जब मिल देखि, कि उ वीं सचै को अनुसरण नि कना छा जु शुभ सन्देश सिखांद, त मिल सभियूं का संमणी पतरस जै कु कैफा भि बुलै जांद छों वेको बोलि, “तु एक यहूदी हवे के भि, अन्यजातियों का रीति-रिवाजों को पालन करदु छै अर यहूदियों को रीति-रिवाजों को पालन नि कनु छै, जु तिल इन करयूं च, त फिर तु अन्यजातियों तैं हम यहूदियों का रीति-रिवाजों कु पालन कनु कु दबाव किलै डलणी छै?”

फिलेमोन 1:10

मि उनेसिमुस का बारा मा त्वे बट्टी बिनती कनु छौं, जु मेरा नौंना जन च। जब मि कैद मा छौं तब उ मेरू नौंनो बंणि गै।

2 कुरिन्थि 6:13

पर अपड़ा बच्चा समझी के तुम बट्टी बुल्णु छो, कि तुम भि ऊंका बदला मा अपड़ा पूरा दिल से प्रेम कैरा।

1 थिस्सलुनीकी 2:11

जन तुम जंणदा छा, कि जन बुबा अपड़ा नौंनो का दगड़ी बरतौ करदो उन ही हम भि तुम मा बट्टी हरेक तैं तसल्ली दींद छा अर उपदेश दींद छा अर समझौंदा छा।

1 यूहन्ना 2:1

मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।

2 यूहन्ना 1:4

जब मिल सूंणि त मि भौत खुशी हवे कि तेरु कुछ नौंना वीं सचै तैं मांणी के जींणा छिनी, जै तैं हमारा पिता परमेश्वर ल हम तैं कनु कु बुल्युं च।