2 तीमुथियुस 4:7 - गढवली नयो नियम

⁷ जन एक अच्छो योद्धा लड़ै मा हार नि मणद उन ही मि भि प्रभु कु बड़ी मेहनत कन नि छुड़द। मिल मसीह को दियूं काम पूरो कैरी, मि प्रभु मा आखिर तक विश्वासयोग्य रों।

Garhwali

⁷ अर जन एक अच्छी कुस्ति लड़ै जान्दी, ठिक उन्‍नि मिन भि परमेस्वर का काम तैं अच्छा से पूरु कैरियाली। अर जन एक खिलाड़ी अपणी दौड़ तैं जीतदु, ठिक उन्‍नि जु-जु काम मेरा हाथों मा सौंपे गै छा, मिन ऊंतैं पूरु कैरी। अर ये दौरान मि बिस्वास मा भि मजबूत बणयूं रौ।

2 तीमुथियुस 4:7 Referans Kwoze

1 तीमुथियुस 6:12

युद्ध मा एक अच्छा सिपै का जन, जु लड़ै मा कभी हार नि मणद, त्वे तैं भि, पिता परमेश्वर पर भरोसा कन अर वेकी आज्ञाओं तैं पालन कन नि छुड़ण चयणु च; अर वे अनन्त जीवन तैं मज़बूती ल पकड़ी ले ज्यांकु तु बुलै गै, अर जै को तिल मजबूत हवे के बोलि छो, कि तु मसीह पर भरोसो रखदि।

खास चेलों 20:24

पर मि अपड़ा प्राण तैं कुछ नि समझदु कि वे तैं प्रिय जांणु, बल्कि यु कि मि अपड़ी दौड़ तैं, चांदु छो कि मि अपड़ी वीं सेवा तैं पूरी कैरू, जु मिल पिता परमेश्वर की दया का शुभ सन्देश पर गव्है दींणु कु जु मिल प्रभु यीशु बट्टी पैईं च।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

लूका 11:28

वेल बोलि, हां पर धन्य छिन उ जु परमेश्वर का वचन तैं सुणदींनि अर मणदींनि।

दिब्य दरस 3:8

सूंण, मि जंणदु छो कि तू क्य करदी। त्वे मा भस थोड़ी ही सामर्थ च, पर फिर भि तिल ईं बात बट्टी मना नि कैरी कि तू मि पर विश्वास करदी। इलै इन कुछ च जै की तुलना एक प्रवेश द्वार बट्टी किये गै जै तैं मिल त्वे कु खोलिलि, जै तैं कुई भि बंद नि कैर सकद।

दिब्य दरस 3:10

तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।

लूका 8:15

पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

2 तीमुथियुस 1:14

वीं सचै की रखवली कैर जु पवित्र आत्मा की सामर्थ का द्वारा त्वे तैं दिए गै, अर जु हमारा भितर रौंदो भि च।

1 तीमुथियुस 1:18

हे नौंना तीमुथियुस, य आज्ञा जु मि त्वे तैं दींणु छो; मि त्वे तैं ऊं बातों तैं याद कनु कु बुल्णु छो जु पुरणा बगत मा परमेश्वर का तरपां बट्टी बुल्ण वलो ल बोलि उ त्वे दगड़ी होली; झूठा शिक्षकों का विरोध मा अर विश्वास का प्रति अच्छी लड़ै तैं लड़दी रौ।

यूहन्ना 17:6

मिल तेरु नौं ऊं चेलों पर प्रगट कैरी जु तिल दुनिया मा बट्टी मि तैं दींनि उ तेरा छा अर ऊंल तेरी शिक्षाओं तैं मांणी।

खास चेलों 13:25

अर जब यूहन्ना अपड़ी सेवा पूरी कन पर छो, त वेल बोलि, “तुम कि सुचदियां की मि कु छो? मि मसीह नि छो; पर देखा, जु मेरा बाद एक आंण वलो च, उ मि बट्टी भौत जादा महान च अर मि यु योग्य भि नि छो कि वेका जुत्ता का तस्मों तैं खोल साको।”

गलातियों 2:2

मि उख गौं किलैकि पिता परमेश्वर ल मि तैं जांणु कु बोलि, जब मि उख छों त मि अगुवों बट्टी एक-एक कैरी के मिल अर ऊं तैं वे शुभ सन्देश का बारा मा बतै जु मि अन्यजातियों का बीच मा प्रचार कनु छो। पर एकुंत मा ऊं तैं जु मण्डलि का अगुवा समझै जांदा छा, कखि मेरी यु बगत की या पिछला बगत की मेहनत बेकार नि चलि जौं।

फिलिप्पी 1:30

अर तुम भि ऊं मुशीबतों का कामों जन जु तुम ल मि तैं फिलिप्पी शहर मा करद देखि, अर जूं मुशीबतों का बार मा तुम सुणदा छा उ मि पर जेल मा अब भि छिनी।

2 तीमुथियुस 3:10

पर हे तीमुथियुस, तु जणदी ही छै, कि मि क्य सिखांदु छो अर तिल मेरी सी चाल-चलण मा, अच्छी मनसा मा, विश्वास, सहनशीलता, प्रेम, सब्र रखण मा,

दिब्य दरस 6:11

ऊंमा बट्टी हर एक तैं एक सफेद कपड़ा दिए गै पिता परमेश्वर ल ऊं बट्टी बोलि, “अभि आराम कैरा, किलैकि अब भि तुम्हरो कुछ दगड़ी काम कन वला अर तुम्हरा दगड़िया विश्वासी छिनी जूं तैं तुम जन ही मरै जालो। जब मरै जांण वलो की गिणती पूरी हवे जाली, तब ही मि बदला ल्युलु।”