2 तीमुथियुस 4:18 - गढवली नयो नियम

¹⁸ अर प्रभु मि तैं हरेक बुरा काम बट्टी बचालो, अर अपड़ा स्वर्ग का राज्य मा मि तैं सुरक्षित लिजालो, वेकी महिमा जुग-जुग तक हूंणी रौ। आमीन।

Garhwali

¹⁸ अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

2 तीमुथियुस 4:18 Referans Kwoze

2 थिस्सलुनीकी 3:3

पर तुम पिता परमेश्वर पर पूरा ढंग से भरोसो कैरी सकदियां, उ तुम तैं आत्मिक रूप से मजबूत करलो अर तुम तैं दुष्ट शैतान बट्टी बचालो।

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

1 पतरस 1:5

पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

2 कुरिन्थि 1:10

वेल ही हम तैं मौत का बड़ा जोखिम बट्टी बचै, अर वे पर ही हमारी आस च, कि उ अगनैं भि हम तैं बचालो।

रोमियों 11:36

किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।

मत्ती 13:43

वे बगत मा धर्मी अपड़ा बुबा का राज्य मा सूरज जन चमकलो जु कुई ईं बात तैं सूंणि सकदु जु मि बुल्णु छौं उ यु तैं समझ भि ल्यो।

यूहन्ना 17:15

मिल परमेश्वर बट्टी प्रार्थना नि कैरी, की तु ऊं तैं जगत बट्टी उठै येले, पर यु की तु ऊं तैं वे दुष्ट शैतान बट्टी ऊं की रक्षा कैर।

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

1 तीमुथियुस 6:16

भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।

1 कुरिन्थि 10:13

पाप कनै की इच्छा हम सभियूं मा जरुर आंदी; पर पिता परमेश्वर विश्वासयोग्य च; किलैकि उ तुम तैं एक भि इन अजमैश मा नि पुडण दींद, कि तुम वीं अजमैश बट्टी लैड़ि नि साका, पर पिता परमेश्वर तुम तैं व तागत दयालो, कि तुम पाप बट्टी बचयां रा।

1 पतरस 5:11

पिता परमेश्वर आदर का योग्य च किलैकि वेकी सामर्थ को कुई अंत नि च। आमीन।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

गलातियों 1:5

मि प्रार्थना करदु कि लोग हमेशा-हमेशा तक पिता परमेश्वर की महिमा कैरा। आमीन।

रोमियों 16:27

वीं एकमात्र अद्वैत बुद्धिमान परमेश्वर की यीशु मसीह का द्वारा जुग-जुग बढ़ै हूंणी रौ। आमीन।

लूका 22:29

अर जन मेरा बुबा ल मि कु एक राज्य ठैरयूं च, उन ही मि भि तुम कु एक राज्य ठैरांणु छौं।

लूका 11:4

अर हमारा पापों तैं माफ कैर किलैकि हम भि अपड़ा हरेक अपराधी तैं माफ करदां अर हम तैं शैतान द्वारा अजमैश मा नि लौ।

याकूब 2:5

हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 15:50

हे विश्वासी भयों, मि यु बुल्दो, ईं धरती पर हमारी देह अर मांस अर ल्वे बट्टी बणयां छिनी; हम स्वर्ग मा पिता परमेश्वर का राज्य मा अपड़ी ईं देह का दगड़ी रै नि सकदियां जु मोरि जांद, किलैकि उख कुई मौत नि च।

2 तीमुथियुस 4:1

जब प्रभु यीशु राजा का समान राज्य मा आलो, त उ ज्यून्दो को अर मुर्दों को न्याय करलो, अर पिता परमेश्वर, यीशु मसीह तैं गवाह जांणि कै वेका राज्य कि सुद दिलै के मि त्वे तैं आज्ञा दींणु छौं,

इब्रानी 11:16

पर उ एक बढ़िया मतलब स्वर्ग की जांणै की इच्छा च, इलै पिता परमेश्वर तैं ऊंको परमेश्वर कहलांण मा गर्व छो, किलैकि पिता परमेश्वर ल ऊंकु एक नगर तैयार कैरी।

इब्रानी 12:22

तुम सिय्योन डांडा पर अयां छा, जख स्वर्गीय यरूशलेम शहर च, जु ज्यून्दा परमेश्वर कु शहर च; अर जख लाखों स्वर्गदूत आनन्द-उत्सव मणौंदींनि,

2 पतरस 1:11

अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।